ஏன் விஜய் டிவியால், சன் டிவியை முந்த முடியவில்லை....

நண்பர் பதிவர் கலையரசன் சொன்னது போல ஐயம் பேக்.....


சன் டிவிதான் இன்றும் தமிழில் நம்பர் ஒன்... ஆனால் எந்த அரசியல் பின்புலமும் இல்லாத டிவிக்கள் தமிழ்நாட்டில் தாக்கு பிடிக்க முடியாது என்பதே உண்மை... அதற்க்கு பல உதாரணங்கள் சொல்லமுடியும் வேண்டாம் அது எல்லாம் வீழ்ச்சி கதைகள்...


இப்போது கூட வேறு எந்த டிவியும் சன்டிவியுடன் போட்டி போட முடியவில்லை... முதலில் அதன் தரமும் துல்லியமுமே அது எல்லோர் மனதிலும் இடம் பிடிக்க முக்கியகாரணம்.... அது மட்டும இல்லாமல் முதல்ரசிப்பு தமிழ்நாட்டில் அந்த டிவிதான்...

திரைப்படம் ஓடும் போது ,ராஜ் டிவியி்லும் விளம்பரம் போடுவார்கள், சன்டிவியிலும் விளம்பரம் போடுவார்கள். ஆனால், படம் ஓடிக்கொண்டு இருக்கும் போதே அடி வயிற்றில் குத்து விடுவது போல சட்டென விளம்பரம் ராஜ் டிவியில் ஓடும்...இதனை இந்தியன் படம் பார்த்த பலர் இந்த வேதனையை அனுபவித்து இருக்கின்றார்கள்...

ஒரு கட்டத்தில் நெடுத்தொடர்தமிழக மக்களை பன்றி காய்சல் போல் பயமுறுத்தி வந்த போது விஜய் டிவி சட்டென தன் அடையாளத்தை வெளிப்படுததியது...அவர்கள் வடநாட்டு சேனலில் ஹிட் ஆன நிகழ்ச்சிகளை தமிழ் நாட்டின் நேட்டிவிட்டிக்கு ஏற்ப்ப பல மாற்றங்களுடன் பல நிகழ்ச்சிகள் செய்தார்கள். அந்த நிகழ்ச்சிகள் வெற்றி நடை போட ஆரம்பித்தன....


பாவம் தமி்ழ் நாட்டு மக்களும் எத்தனை நாளைக்குதான் பாலில் விஷம் கலப்பதையும், காரின் பிரேக் ஒயர் பிடுங்கி விடுவதையும் நெடுந்தொடர்களில் காண்பிப்பதை, எத்தனை நாளைக்குதான் பார்க்க முடியும் ஒரு சேன்ஜ் தேவைப்பட அந்த ஆவலை மிகச்சரியாக பூர்த்தி செய்து கொண்டது விஜய் டிவி.

ஏர்டெல் சூப்பர் சிங்கர் (ஜுனியர் சீனியர்),நீயா நானா, காபி வித் அனு, லொள்ளுசபா,காமெடி கிங், போன்ற நிகழ்ச்சிகள் வெற்றி வாகை சூடஆரம்பித்தது.. அப்போது சட்டென விழுத்துக்கொண்ட சன்டிவி விஜய் டிவி நிகழ்ச்சிகளை சின்ன சின்ன மாற்றங்கள் செய்து அதனை சன் டிவி காப்பி அடிக்க அதில் சிலது வெற்றி பெற்றது, பல வெற்றி பெறாமல் போனது...

இருப்பினும் விஜய் டிவி நிகழ்ச்சிகளில் ஏற்படுத்திய மாற்றங்களை வேறு எந்த சேனலும் மருந்துக்கு கூட புது முயற்ச்சியாக செய்யவில்லை... எனென்றால் பயம்... எங்காவது புது நிழ்ச்சி செய்து அது தோற்று போய் டி ஆர் பி ரேட்டிங் குறைந்த விட்டால் ? எல்லோரும் பயந்து கொண்டு இருக்க விஜய் டிவி முயற்ச்சி செய்துமிக ஆனாயாசமாக வெற்றிக்கண்டது என்பது வரலாறு....

அதே போல் ஆங்கில படங்களை தமிழில் விஜய் டிவி ஒளிபரப்ப அதனையும் சன் சட்டென ஒளிபரப்ப ஆரம்பித்தது...


இருப்பினும்இரண்டாம் இடத்தில் இருக்க வேறு பல காரணங்கள் இருந்தாலும், இந்த அளவுக்கு வித்யாசமான நிகழ்ச்சிகளை கொடுத்த விஜய் இன்னும் இரண்டாம் இடத்தில் இருக்க மிக முக்கிய காரணம்....

சன்டிவியிடம் இருக்கும் ஆயிரக்கணக்கான தமிழ் திரைப்படங்களின் ரைட்ஸ்.....

நீங்கள் என்னதான் சமுக கொடுமைகளை தோல் உரித்து காட்டும் நிகழ்ச்சி ஒளிபரப்பினாலும் சன் டிவி சட்டென படையப்பாவை ஒளிபரப்பினால் ரஜினி மாஸ் முன்னால் சமுக நிகழ்ச்சி பின்னுக்கு தள்ளபட்டு விடும்,என்பதே உண்மை...


விஜய் டிவி மட்டும் அல்ல வேறு எந்த டிவியும் சன்னுடன் போட்டி போடமுடியாமல் இருக்க மிக முக்கிய காரணம்..அவர்களிடம் இருக்கும் அயிரக்கணக்கான திரைப்பட ரைட்ஸ்... அதே போல் புதுபடம் என்றால் சன்டிவி என்று பெயர் வேறு வாங்கி விட்டது.

திரைப்படங்களுக்கு அவ்வளவு முக்கியத்துவம் தமிழர்கள் தருவார்களா? என்றால், தமிழக முதலமைச்சர்களில் வரலாற்று பிழையான ஓ.பன்னீர் செல்வத்தை தவிர அத்தனைபேரும் சினிமா பின்னனி உள்ளவர்கள் என்பதை நாம் மறக்ககூடாது...

அன்புடன்/ஜாக்கிசேகர்

ஓட்டு போட மறவாதீர்.. உற்சாகப்படுத்த மறவாதீர்...