வரிசையில் நிற்பது...சென்னையில் (தமிழ் நாட்டில்)வாழ பழக..(பாகம்/5)

ஒன்றன் பின் ஒன்றாக வரிசையில் நின்று காரியம் சாதிப்பது என்பது சென்னையில், தமிழ்நாட்டில்,இந்தியாவில் நடக்காத காரியம்..இந்தியாவின் மக்கள் தொகை 110 கோடிக்கு மேல் ....அதனால் இங்கு நாகரிகம் எனபதை எதிர்பார்க்க முடியாது... ஒரு காலத்தில் நீங்கள், நான் எல்லோரும் இந்த அநாகரிக செயலை செய்துதான் வந்து இருப்போம்... அல்லது கடந்து வந்து இருப்போம்...





பொதுவாக கிராமபுற பேருந்துகளில் இந்த காட்சியை காணலாம்.. நகரத்தில் இருந்து கிராமத்துக்கு செல்லும் பேருந்துகளில் பேருந்தின் ஜன்னல் வழியாக தலையில் கட்டி இருக்கும் அல்லது தோளில் இருக்கும் துண்டை எடுத்து பேருந்து உள்ளே வீசி... இடம் பிடிப்பதை நாம் பார்த்து இருக்கலாம்...



இப்போதும் கோயம்பேடு புறநகர் பேருந்து நிலையத்தில் தீபாவளி போன்ற பண்டிகை காலங்களில் பேருந்தில் இடம் பிடிக்க இந்த தள்ளு முள்ளுககளை பார்க்கலாம்....இதில் குடும்பத்தோடு வருபவர்கள் பாடு திண்டாட்டம்... அதுவும் கைக்குழந்தையோடு வரும் தாய்மார்கள் பாடு அதை விட திண்டாட்டம்...500 கீலோமீட்டர் பயண தூரம் இருக்கும் ஊர்களுக்கு... கைக்குழ்ந்தையோடு வந்தாலும் வராவிட்டாலும்...,. யாரும் நின்று கொண்டு பயணம் செய்ய முடியாது....

மக்களை குறை சொல்லி தப்பு இல்லை...52 பேர் பயணம் செய்யும் ஒரு பேருந்துக்கு 200பேர் பயணம் செய்ய அடித்துகொள்ளும் நிலை ஏற்பட்டால் நாகரிகமாவது மயிராவது.....

எல்லோருக்கும் அவர்தம் குடும்பமும் சுயநலமும் முக்கியமாகி விடுகின்றது.... சரி இதெல்லாம் விட்டு தள்ளுங்கள்..... அடுத்தநாள் காலை தீபாவளிக்கு குடும்பத்தினரை பார்க்க போகும் ஆவல்...... அதனால் வேறு வழியில்லை...மக்கள் தொகை பெருக்கம் எதையும் காரணமாக சொல்ல முடியாது..... அதனால் அடித்துக்கொள்கின்றார்கள்...

அவசரமே இல்லாமல் பொறுமையாக ரொம்ப கூட்டமே இல்லாத இடத்திலும் வரிசையில் வருபவர்களை பைத்தியமாகிவிட்டு நடுவில் போவது... இங்கு சர்வசாதாரணம்...... இதுதான் எனக்கு கோபம் கொடுக்கும் விஷயம்.......உதாரணத்துக்கு மன்னன் படத்தில் சின்னத்தம்பி படத்துக்கு டிக்கெட் எடுக்க....அத்தனை பேர் வரிசையில் இருக்க... குறுக்கு வழியில் போய் கவுண்டமணி டிக்கெட் எடுத்து வருவதும்... அதே போல் சுப்ரமணியபுரத்தில் முரட்டுகாளை படத்துக்கு கஞ்சா கருப்பு இரண்டு முறை டிக்கெட் எடுத்து விட்டு டான்ஸ் ஆடியபடி வருவதும் மிகச்சிறந்த சான்றுகள்.......எந்த ஊரிலும் சினிமா டிக்கெட்டுக்கு வரிசையில் நின்றால் அந்த வரிசையை உடைப்பதற்கு என்று ஒரு அராத்தல் கூட்டம் ஒன்றுவந்து தொலைக்கும்......

ரேஷன் கடைகளில் இருந்து, அரசு மருத்துவமைணைகளில் ஓபி சீட்டு கொடுக்கும் இடத்தில் இருந்து, மாத மாதம் ஈபியில் பணம் கட்டுவதில் இருந்து, இந்த வரிசையில் நிற்காமல் எல்லோருக்கும் முன் செல்ல துடிக்கும் அந்த பண்பாளர்களை நீங்கள் சந்தித்து இருக்கலாம்.... முன்பெல்லாம் வடபழனியில் நான் வசித்த போது, இரவில் லாரியில் வரும் தண்ணீரை பிடிக்கும் போது கூட இந்த வரிசை சண்டை நடக்கும்... கார்பரேஷன் பைப்பில் தண்ணி பிடிக்கும் சண்டையில் பல வெட்டு கூத்துகளை பார்த்தது நம் தமிழ் இனம்...


சென்னை புறநகர் ரெயிலில் டிக்கெட் எடுக்க ஒரு பெரிய லைன் நின்று கொண்டு இருக்கும்... விசாரனை செய்கின்றேன் என்று சொல்லிவிட்டு கவுண்டர் இருகில் போய் டிக்கெட் எடுத்து விட்டு வரும் பல குடும்பங்களை காணலாம்....

பெட்ரோல் பங்குகளில் நாம் தினமும் பார்க்கும் காட்சி இது...நாம் மிகச்சரியாக வரிசையில் நின்று இருப்போம்.... நமக்கு பின் ஒரு 5 பேர் வரிசையில் நின்று கொண்டு இருப்பார்கள்... நம்மை எல்லாம் பைத்தியக்கார கூ.........விட்டு வேகமாக பெட்ரோல் போடுபவர் முன்னால் போய் நிற்கும், ஜென்மங்கள் தமிழ்நாட்டில் அதிகம்.... இதுக்கெல்லாம் டென்சன் ஆனால் தமிழ்நாட்டில் வாழவே முடியாது...

திருமணத்துக்கு போய் கையில் ஒரு கிப்டை வைத்துக்கொண்டு கால் கடுக்க வரிசையில் நின்று கொண்டு இருப்போம்....எல்லோரும் ஒரு பக்கம் போய் மறு பக்கம் இறங்கி கொண்டு இருப்பார்கள்... சில நாதாரிகள் ஆப்போசிட் சைடில் ஏறுவார்கள்.. அவர்களை பார்த்து விட்டு இன்னும் நாலு பேர் அந்த பக்கம் போய் நிற்க்க... இதுவரை கடைபிடுத்து வந்த அந்த ஒழுங்கு கெட்டு ,வரிசையில் நிற்பதும், நேர்மையாக இருப்பதும் பைத்தியக்கரதனமானதாக தோன்ற வைக்கும்.....

சரி இதுக்கெல்லாம் தீர்வு என்ன என்று சொல்லுங்க ?என்று சொன்னால் அல்லது கேட்டால்? இந்த வரிசையில் நிற்கும் பழக்கம் எல்லாம் தொட்டில் பழக்கமாக சிறுவயதில் இருந்தே வர வேண்டும்.. குழந்தையாக இருக்கும் போதே பெற்றோர்கள் வரிசை நாகரீகத்தை கற்று தர வேண்டும்... அதுவரை நீங்கள் தமிழ்நாட்டில், இந்தியாவில் ஊரோடு ஒத்து வாழ்வதே நல்லது...இல்லையென்றால் இந்த சமுகத்தால் உங்களுக்கு கேனை என்ற இலவசபட்டமளிப்பு விழா நடக்கும்...அது உங்கள் மகனால், உங்கள் மகளால், அல்லது உங்கள் மனைவியால் கூட அந்த பட்ட்ம் கொடுக்கபடலாம்....

பிரியங்களுடன் ஜாக்கிசேகர்....

குறிப்பு..
பிடித்தால் ஓட்டு போட மறக்காதீர்கள்....