ஆஸ்கார் ரகுமானின் அட்டகாசமான விளம்பர இசை...

உலகம் எங்கும் பல லட்சக்கனக்கான வீடியோக்கள் வலையில் உலா வந்தாலும் அன்ன பறவை போல் அவற்றில் நல்லதை அல்லது, எனக்கு பிடித்ததை உங்களோட பகிர்ந்த கொள்ள இதில் பெஸ்ட் ஆட், நகைச்சுவை, எது வேண்டுமானாலும் இந்த பகுதியில் உங்கள் பார்வைக்கு வைக்க ,இந்த தொடர் உதவிடும் என்று நம்புகின்றேன்...


இரண்டுமணி நேரபடங்களில் சொல்ல முடியாததை அல்து சொல்ல துடுமாறுவதை ஒரு நிமிடத்தில் விளம்பர படத்தில் சொல்லும் பிரம்மாக்கள்... இந்த கோடம்பாக்கத்தில் அதிகம்...

நாம் பொதுவாய் பல விஷயங்களை பார்த்து இருப்போம் கேட்டு இருப்போம் அனால் ஒரு சிலதை நாம் கவனித்து சொல்லும் போது அந்த விஷயத்தை இன்னும் அழகாக ரசிப்போம் அல்லவா-? அது போல்தான் இதுவும்...

உதாரணத்துக்கு நீங்கள் அவ்வை சண்முகி படம் பார்த்து இருப்பீர்கள்... அதில் ருக்கு ருக்கு பாட்டு சண்முகி மாமி பாடுவதை கேட்டு இருப்பீர்கள்.. ஆனால் அதில் உள்ள அர்த்தம் தெரியாமல் பல நாள் நான் கேட்டு கொண்டு இருந்தேன்... முதல் 5 வரிகளில்... பாண்டி பாண்டி என்று மீனாவிடம் கமல் பெயரை ஞாபகபடுத்துவது போல் எழுதி இருப்பார்கள்... அதை எனது மாமா எனக்கு சொன்ன போதுதான் இந்த மர மண்டைக்கு எட்டியது....

அது போல் நாம் வெகு வேகமாக செல்லும் வாழ்க்கையில்... சிலதை கவனித்தாலும் அர்த்ததுடன் கவனிக்க அல்லது ரசிக்க மறுக்கின்றோம்....


இப்போது நாம் பார்க்க போகும் வீடியோ பல வருடங்களாக தூர்தர்ஷனில் கோலாச்சியது என்றாலும்... மணிரத்னம் சாரை நமது ரகுமானின் இசைவெகு எளிதில் வீழ்த்தியது இந்த விளம்பர படத்தின் பின்னனி இசை என்ற சொல்லுகின்றார்கள்...... இந்த வீடியோவில் கானும் காட்சி

வெறும் 22 ஷாட்டுகளில் 32 செகன்டில் தினமும் ஒரு வீட்டில் நடக்கும் நிகழ்வை அற்புதமாக சொல்லி இருப்பார்கள்.... இது ஒரு காபி விளம்பரம்

லீயோ காபி விளம்பரம்.. கேப்ஷன்.... காலத்தை வென்றிடும் ரசனை இதுவே...


ஒரு அழகான பெண் குளித்து விட்டு படி இறங்கி வருகின்றாள், விளக்கு ஏற்றுகின்றாள்... கோலம் போடுகின்றாள்...பில்டர் திறந்து காபி பொடி போட்டு வைத்து விட்டு துளசிமாடம் சுற்றுகின்றாள்... துளசி மாடத்தில் விளக்கு வைக்கின்றாள்.. பூ பறித்து வருகின்றாள்.. பறித்த பூவை கட்டுகின்றாள்... அது வரை துவட்டாத தலையை தலையில் கட்டிய துண்டில் துவட்டுகின்றாள்..பின்பு பில்டரில் இருந்து எடுத்து காபி போடுகின்றாள் அதற்க்குள் கணவன் அலுவலகத்துக்கு செல்ல தயாராக காபி நன்றாக இருப்பதை சொல்ல கணவனுக்கு(அரவிந்சாமி) ஒரு குளோசப்

32 செகன்டில் காபி விளம்பரம் ஓவர்... இருப்பினும் இந்த விளம்பரத்தில் காலை என்று விஷயத்துக்கு நன்றாக லைட்டிங் செய்து எடு்த்து இருப்பார்கள்... முக்கியமாக ரகுமானின் இசை...சங்கீதம் எனக்கு அந்தளவுக்கு தெரியாது என்றாலும்... அந்த இசையில் நடுவில் வரும் புல்லாங்குழல் இசை உங்களை என்னவோ செய்யும்...

வீடியோ 32 வினாடிகள்தான்.. ஏற்க்கனவே பார்த்து என்றாலும் எனக்காக மீன்டும் ஒரு முறை.. பாருங்கள்...

அந்த மனதை கவர்ந்த விளம்பரம்.... மற்றும் இசை...


இந்த விளம்பரம் பற்றி பல்வேறு தகவல்களை வாசகர்கள் முன் வைக்கலாம்.. நானும் மற்றவர்களும் தெரிந்து கொள்ளதான்....நான் எதிர்பார்பது பதிவர்கள் தண்டோரா, லக்கி போன்றவர்களிடம் இருந்து செய்திகளை எதிர்பார்க்கின்றேன்... முக்கியமாக எனக்கு இந்த விளம்பர படத்தின் கேமராமேன் யார் என்ற தெரிய வேண்டும்....


அன்புடன்
ஜாக்கிசேகர்
தமிழ் மணத்திலும் தமிலிஷ்லும் ஓட்டு போட மறவாதீர்கள்.... இந்த தளத்தின் சிறப்பான,உலகசினிமா,உள்ளுர் சினிமா, பார்த்தே தீர வேண்டிய படங்களையும், பார்க்க வேண்டிய படங்களையும், மற்றும் டைம்பாஸ் படங்களையும்,மற்றவர்களுக்கு அறிமுகப்படுத்துங்கள்
நன்றி.....