வலையுலகம்,சகபதிவர்கள்,வாசகநண்பர்கள், நன்றிகள்

தினமும்  போஸ்ட் போடற...  எப்படி உன்னால் முடியுது--?

நேரம் இருக்கு போடறேன்.. அல்லது நேரத்தை உருவாக்குகின்றேன்.. தொடர்ந்து இரண்டு வருடம் ஷுட்டிங் போன போதும் சரி கல்லூரியில் வேலை  செய்த போதும் சரி. தினமும் எழுதுகின்றேன்...

இப்போது குழந்தை இருக்கும் போதும் நேரம் ஒதுக்கி எழுதுகின்றேன். விமர்சனங்களை பற்றி கவலைபடாமல் எழுதுவேன்...எவன் கொடுக்கற ஐஎஸ்ஓ 9001 சர்ட்டிபிகேட்டுக்கும் நான் எழுதுவதில்லை..என் மனசாட்சிக்கு எது பிடித்து இருக்கின்றதோ அதை நான் எழுதுகின்றேன்.

டெய்லி போஸ்ட்  போடுற.. என்னதான் கிடைக்குது?? நாம் சொல்லற விஷயம் உலகம் எங்கும் இருக்கும் தமிழ் படிக்கும் மக்களிடம் இந்த வலைமூலமாக சென்று சேர்கின்றது அல்லவா?? அது எவ்வளவு பெரிய விஷயம்..

அது மட்டும் அல்ல  நல்ல மனிதர்கள் கிடைக்கின்றார்கள்.. நல்ல நட்புகள் கிடைக்கின்றன.. சின்ன வயதில் இருந்து பழகியவர்கள் கூட அப்படி நட்பாய் இருக்கமாட்டார்கள்.. என்னோடு  நட்பு பாரட்ட அவர்கள் விரும்புகின்றார்கள்..மிகப்பெரிய நட்பு வட்டத்தை பெற்றுத்தந்ததும் அதை கொடுத்ததும் இந்த பதிவுலகம்தான்.. அதுக்காக எழுதுகின்றேன்..

எங்களுக்கு குழந்தை பிறந்த போது வந்த வாழ்த்து செய்திகள் பார்த்த போது.. எந்த அளவுக்கு ஒரு குடும்பத்தில் ஒருவனாய் என்னை வைத்து பார்க்கின்றார்கள், நினைக்கின்றார்கள் என்பதை  அறிந்து கொண்டேன்...

என் சொந்தங்களை விட யாழினி பிறந்த போது  குடும்பத்துடன் வந்து யாழினியை பார்த்து விட்டு  வாழ்த்தி சென்றவர்கள்.. நிறைய பேர்... யாரும் ரத்த சம்பந்த உறவுகள் அல்ல.. தொடர்ந்து எனது  வலைதளத்தை வாசிப்பவர்கள் மட்டுமே...

கோர்வையா இல்லாமல் அவசரத்தில் எழுத்து பிழையோடு பல போஸ்ட்டுகள் திருத்தாமல் போட்டு இருக்கின்றேன்.. அதையெல்லாம் சகித்துப்படித்து ஒரு ஞாயிறு அன்று குடும்பத்துடன் கிளம்பி எனக்காய் நேரம் ஒதுக்கி என் பிளாக்கை வாசிப்பவர்கள் மட்டும் கிளம்பி வருவது எவ்வளவு பெரிய விஷயம்..?-??

கும்பகோணத்தில் நடக்க இருந்த  மனைவியின் உறவினர் திருமணத்துக்கு போயே ஆக வேண்டும்..காரணம் அவர் எங்கள் காதல் திருமணத்துக்கு வந்து கடைசிவரை இருந்து நடத்திக்கொடுத்தவர்... மூன்று மாத குழந்தையை வைத்துக்கொண்டு திருமணத்துக்கு போவதா வேண்டமா? என்று குழம்பியே எந்த முடிவும் எடுக்காமல் டிக்கெட் எதுவும் புக் செய்யவில்லை.. போலாம் என்று முடிவு செய்த போது..பேருந்தில் கூட சீட் இல்லை...பஸ்சில் டிக்கெட் ஏதாவது கிடைத்தால்  சொல்லுங்கள் என்று கூகுள் பஸ்சில் டிக்கெட் வேண்டும் என்ற செய்தியை பகிர்ந்தேன்..

அகநாழிகை வாசு... ஜாக்கி என் கிட்ட கார் இருக்கு.. வேண்டும் என்றால் எடுத்துகிட்டு போங்க.. என்று கார் சாவியை கையில் கொடுத்தார்...சொந்த அண்ணன் தம்பிங்க கூட கார்  சாவியை சட்டுன்னு கையில் கொடுக்க  யோசிப்பாங்க...கார் பைக் எல்லாம் அவ்வளவு எளிதில் யாரும் யாருக்கும் கொடுத்து விட மாட்டார்கள்..எனக்கு சட்டுன்னு ஒரு மாதிரி ஆயிடுச்சி...ரொம்பவே நெகிழ்ந்துட்டேன்... வாசுவுக்கும் எனக்குமான பழக்கம் நான்கு ஐந்து சந்திப்புக்கள் இருந்தாலே அது பெரிய விஷயம்... அன்றைய கும்பகோண பயணத்தை மிகச்சிறப்பாக ஆக்கிக்கொடுத்தது.. இந்த வலையுலக  நட்புதான்.. அதே பயணத்தில் பதிவர் மயில்ராவணனும் குடும்பத்துடன் மாயவரம் வந்தார்...மிக்க நன்றி வாசு...நான் மட்டும் தனியாக கும்பகோணத்தில் இருந்து திருநள்ளாறு வாசு காரில் சென்றேன்... அந்த சாலைபயணமும்.. காரில் இருந்த வாசுவின் இளையராஜா சாங் கலெக்ஷனும் என் வாழ்வில் மறக்கமுடியாத பயணத்தை கொடுத்தது  என்றால் அது மிகையில்லை..

==========

ஒரு வாரத்துக்கு முன் பெங்களுரில் நான் இருந்த போது, ஜாக்கி நான் யுவா பேசறேன்.. நான் யாழினியை வந்து பார்க்கனும்னு நினைச்ச போது எல்லாம் வெளிநாட்டுல சுத்திகிட்டடு இருந்தேன்.. இன்னைக்கு எங்க வீட்டுக்கு லஞ்சுக்கு வர முடியுமா? என்ன புரட்டாசி  சனி என்பதால் நான்வெஜ் இருக்காது வருகின்றீர்களா ? என்று அழைத்தார்.. சரி என்றேன்.. நானே வருகின்றேன் அட்ரஸ் கொடுங்கள் என்ற போது வீட்ல ரெடியா இருங்க.. என் கார்ல வந்து அழைச்சிகிட்டு போறேன் எனறார்.. 

அவரின் பத்தாம் வகுப்பு படிக்கும் மகளும் அவரது மகனும் யாழினியை கொஞ்சி தீர்த்து விட்டார்கள். யுவாவின் மனைவியும் என் மனைவியும் நெடுநாள் பழகிய பள்ளித்தோழிகள் போல  பழகியதும்.. நாங்கள் அவர் பிள்ளைகளுக்கு வாங்கி சென்ற பரிசு பொருட்களை பார்த்து சந்தோஷப்பட்டதும்.. அவர்கள் யாழினிக்கு கொடுத்த பரிசு பொருட்களும் மறக்கமுடியாதவை.. முதன் முதலில் யாழினிக்கு தீபாவளிக்கு பட்டு சட்டை பட்டுபாவடை வாங்க வேண்டும் என்று நினைத்து இருந்தோம்...அவர்கள் வாங்கி கொடுத்து விட்டார்கள்...

==============

செமையான பணமுடை..இரண்டு பேருக்கும் வேலை இல்லை...செம டைட்டில் இருந்தேன்.. மணிஜி வர்ணம் படம் பார்க்கும் போது ஒரு ஆட் ஷுட் பண்ணறேன் பிரியா இருந்தா போட்டோ எடுத்து கொடு என்றார்.. போனேன்.. வேலை முடிந்தது... கையில் 3000ரூபாய் பணத்தை திணித்தார்...நெகிழ்ந்து போனேன்..தீபாவளி நேரத்தில் என்னை பொருத்தவரை அது பெரிய விஷயம் .. நன்றி மணிஜி... அதே போல நண்பர் நித்யா அவர் மனைவி எங்களுக்காக காலத்தில் செய்த உதவி பெரிய விஷயம்...நன்றி நித்யா மிசஸ் நித்யா..

===============

ஜாக்கி திருச்சியில் இருந்து சீனு பேசறேன்.. போன முறை நீங்க எடுத்த  சர்விஸ் அப்பார்ட்மென்ட் போட்டோஸ் எங்க கிளைன்டுக்கு ரொம்பவே பிடிச்சி போச்சு.. புதுசா இரண்டு அப்பார்ட்மென்ட் சென்னையில் ஓப்பன் பண்ணி இருக்காங்க.. நீங்க போய் கொஞ்சம் போட்டோ எடுத்து தர முடியுமா? என்று அடுத்து அடுத்து வேலைகள் கொடுத்து என்னை வாழ வைப்பது இந்த பதிவுலகம்தான்..

============

எந்திரன் படம் டிக்கெட் யாரிடமாவது இருக்குமா? என்று சொன்ன ஒரு மணி  நேரத்தில் என்னிடம் மூன்று டிக்கெட் இருக்கின்றது என்று வாசக நண்பர் குறும்பழகன் சொன்னார்...மூன்று டிக்கெட்டுக்கும் காசு கொடுத்த போது, உங்க டிக்கெட்டுக்கு பைசா வேண்டாம் மத்த  ரெண்டு டிக்கெட்டுக்கு மட்டும் பைசா கொடுத்தா போதும் என்றார்.. அப்படி ஆரம்பித்த நட்பு அது...இரண்டு நாட்களுக்கு முன் நான் சென்னைக்கு வந்து விட்டேன் என்பதை அறிந்து குடும்பத்துடன் வீட்டுக்கு வந்தார்கள்..குழந்தைக்கு பரிசு பொருட்கள் வாங்கி வந்து கொடுத்தார்கள்...

ஜாக்கி நான் ஊருக்கு போறேன்.. தீபாவளி கழிச்சிதான் வருவேன் வீட்டுல இண்டிகா கார் இருக்கு.. யாழினியை வெளியே அழைச்சிகிட்டு போக அது உதவும்.. அதனால வந்து காரை எடுத்துகிட்டு போங்க என்றார்..நேற்று போய் காரை எடுத்து வந்தேன்..சென்னையில் என் பைக்கை என் அப்பாட்மென்ட்டில் இருப்பவர்கள்.. தங்கள் பைக் பஞ்சர் ஆன போது எடுத்து ஓட்டி இருக்கின்றார்கள். என் மச்சான் சென்னையில் இருக்கும் போது  எடுத்து ஓட்டி இருக்கின்றான்,.... வேறு யாரும் எடுத்து ஓட்டியதில்லை... அவ்வளவுதான் என் நண்பர் வட்டமே....ஆனால் கார்  கொடுப்பது எல்லாம் மிகப்பெரிய விஷயம்..

=========================

மனைவி வேலை தேடிக்கொண்டு இருக்கும் விஷயத்தில் பலர் அவரவர் தகுதிக்கு உதவிகளை செய்தார்கள்..  நண்பர் பெங்களுர் ராம்குமார்.. அவரும் தொடர்ந்து டிரை செய்தார்...

Thank you Jackie. Nice to see your immediate response. Since i am little occupied with my personal and official things, i cld not help much on your wife's job.

last week, i had a chat with my contact in the HR team. Since the job is like a rare skill, the people once get in to Honeywell will not move out often. So he said, he is holding your wife's CV. When the next opening comes, he will surely consider. I will track and let you know if anything comes positive..

Hope you, Yalini and wife are doing good and great..

Regarding missing bangalore, i dont think so.. other than the climate, i does like anything there.. off late i started disliking bangalore heavily which is also a force behind my decision to move out..!!!

Any time you plan to visit madurai, do ping me we can meet. All the very best and thank you for your wishes..!!!

நன்றி ராம்...உங்கள் முயற்சிக்கு.....கண்டிப்பாக மதுரை வந்தால் சந்திக்கின்றேன்.

====

ஹலோ ஜாக்கியா??

ஆமாம் சார் சொல்லுங்க..

என் பெயர் பழனிவேல்.. ஊர் பாண்டிச்சேரி.. நான் கிருஸ்த்துவ மத புத்தகங்கள் அச்சடித்து விற்பனை செய்பவன்..உங்க பிளாக் ரெகுலரா வாசிப்பேன்..

ரொம்ப நன்றிங்க பழனிவேல்...

உங்க மனைவி வேலை தேடிக்கொண்டு இருப்பதா பிளாக்குல எழுதி இருந்திங்க... சென்னை ஸ்ரீபெரும்பத்தூரில் இருக்கும் செயின்ட் கோபின்ல டீம் லீடர் வேகன்சி இருக்கு.. என் மகள் அந்த இண்டர்வியூவுக்கு போக வேண்டியது.. அவளுக்கு உடம்பு சரியில்லை...அதனால அவ போகலை.. சரி உங்க மனைவிக்கு செட் ஆகுதா என்று பாருங்கள்...என்று தொடர்பு கொள்ளும் நம்பரை கொடுத்து தொடர்பு கொள்ள  சொன்னார்..

இண்டர்வியூவை எனது  மனைவி அட்டன் செய்தார்..  வேலை கிடைத்து விட்டது...மூன்று நாட்களாக போய் கொண்டு இருக்கின்றார்...

யார் சொல்லுவாங்க? இங்க வேலைஇருக்கு.. சகோதரியை போய் பார்க்க சொல்லுங்கள் என்று??

அவரின் குரல் சின்ன பையனின் குரல் போல இருந்தது ...தகவலுக்கு மிக்க நன்றி பழனி வேல் சார்...உங்களின் வயது என்ன என்று நான் தெரிந்து கொள்ளலாமா? என்று கேட்டேன்...

அறுபது வயதை கடந்தவன் நான் என்றார்.... 

மிக்க நன்றி

ஐயா...உங்கள் உதவிக்கு.....

பழனிவேல்சார்.. இந்த ஆறு மாதத்தில் கொஞ்சம் கஷ்ட்டப்பட்டோம்.. இப்போது நம்பிக்கை வந்து இருக்கின்றது...நன்றி ஐயா..

குழந்தையை யார் பார்த்துக்கொள்ளுகின்றார்கள்??

சாட்சாத் நானேதான்...

மகளிர் மட்டும் படத்துல மொதக் காட்சி ஊர்வசி அவசரம் அவசரமா கணவனை கிளப்புவாங்க.... ஆனா வாசலுக்கு போய் ஊர்வசிகிட்ட பேகை கொடுத்து ,அவங்களை வேலைக்கு அனுப்பி  விட்டு வீட்டு வாசலில் நிற்ப்பார் ஒருத்தர்.. அவர் வேறுயாரும் இல்லை எனது குருநாதர் ஒளிப்பதிவாளர் எம்எஸ்பிரபு.. 

அவரை போல நிஜத்தில் நான் இருக்கின்றேன்... என் குழந்தையை என்னை விட சிறப்பாக யார் பார்த்துகொள்ள முடியும்...???

அதே போல திருமணநாளுக்கு வாழ்த்து சொல்லிய அத்தனை உள்ளங்களுக்கும்  என்  நன்றிகள்.. அந்த பதிவுக்கு வந்த பின்னுட்டங்கள் மற்றும் எனது போனுக்கு வந்த அழைப்புகள்,குறுஞ்செய்திகள்..என்னை திக்குமுக்காட வைத்து விட்டீர்கள்.. நன்றி நண்பர்களே.

ஜாக்கி இதையெல்லாம் எழுதுனுமா? என்று சம்பந்தபட்டவர்கள் செல்லமாக கோபிப்பார்கள்.. எதுக்கு இதெல்லாம் என்பார்கள்..சிலர் இதையும் வழக்கம் போல நக்கல் விடுவார்கள்..

நான் இன்னும் எழுதுவேன்...

பிரியங்களுடன்
ஜாக்கிசேகர்.


நினைப்பது அல்ல நீ
நிரூபிப்பதே நீ.....
EVER YOURS...