இன்றாவது உன் நினைவுகளை....

இன்றாவது
உன் நினைவுகளை
கழற்றிவைத்து
உறங்க நினைத்தேன்.....
முடியாது என்பது போல
உறுத்தியது
நீ தலையில் வைத்துவிட்ட மல்லிகை.
===========


என் தனிமை என்பது
யாருமில்லாத போதுஅல்ல....
நீ இல்லாத போது...
==========

அன்பே
சூரியனாய் நீயும்
சந்திரனாக நானும்
இருந்திருந்தாலாவது
நிச்சயம்
சேர்ந்து இருப்போம்
வருடத்துக்கு ஒருமுறையேனும்
கிரகணத்திலாவது????


============

தென்றல்
தொடுகையில் கூட
சிணுங்கும் என் உடல்....
நீ தொட காத்து இருக்கின்றதே?
நீ  என்ன அவ்வளவு
மென்மையானவனா????

=============


உச்சி முகர்ந்து
கண்களை வருடி
உதட்டில் ஒத்தி
கழுத்தில் கரைந்து
தயக்கமாய் இறங்கி
தலைவனை நினைவூட்டியபடி
தொடைதொட்டு
தரையிறங்கியது
தனித்துவம் வாய்ந்த
மழைத்துளி.....


======

தூங்குவதாய்
பாவித்தேன்
என் நெற்றியை உன் உதடுகள்
ஈரமாக்க...

=========


உன் பிரிவை
நினைத்து வந்த கண்ணீருக்காக
முகம் அலம்பினேன்.
தண்ணீரோடு கண்ணீரையும்
எவர் அறியாமல்
துடைக்கமுடியும் என்பதால்....


=========


நீ
என்று நினைத்து கொஞ்சவதும்
உன் இதழ் என்று எண்ணி
முத்தமிடுவதும்
உன் மடி என நினைத்து
தலைசாய்ந்து அழுவதும்
உன்னுடன் இருப்பதாய் எண்ணி
கதகதப்பாய் கட்டிக்கொள்வதுமாக
இராஜவாழ்க்கை
வாழ்ந்து தொலைக்கின்றது...
என் வீட்டு கரடிபொம்மை.

==========

மேலுள்ள கிறுக்கல்கள் என் மூன்றாம் காதலி, எனக்காக என்னை நினைத்து எழுதிய வரிகள்...
பிரியங்களுடன்
ஜாக்கிசேகர்.

===========

இழப்பது
என்னையே என்றாலும்
சம்மதிப்பேன்
ஏமாற்றுவது
நீயென்றால்....

==============
கடைசி மட்டும் என் மூன்றாம் காதலியின் நண்பி வித்யா எழுதியது.....


பிரியங்களுடன்
ஜாக்கிசேகர்....

குறிப்பு.. பிடித்து இருந்தால் எத்தனை நாளுக்கு பிறகு வாசித்தாலும் ஓட்டு போட மறக்காதீர்கள்.... ஓட்டு போடுவது குறித்து இண்டலி மற்றும் தமிழ்மணத்தில் விரிவாய் சொல்லி இருக்கின்றார்கள்.