வாழ்த்துக்கு நன்றி நண்பர்களே...

நேற்றுதான் கழுகு வலைப்பூவில் எனது பேட்டியை வெளியிட்டு இருந்தார்கள்....திங்கள் கிழமை கொடுக்க முடியுமா?  என்று கேட்டதால் ஞாயிறு இரவே பதில் டைப்பினேன்..  ஒன்றரை மணி நேரம் எடுத்துக்கெண்டது  அதன் பிறகு தூக்கம் கண்ணை சொக்கியதால் ஏதும் எழுதவில்லை அதனால் திங்கள் கிழமை  எனது  வலைப்பூவில் ஏதும் போஸ்ட்போட வில்லை...



வெகுநாட்களுக்கு முன்பே என்னிடம் பேட்டிக்கு நேரம் கேட்டார்... கேள்விகள் அனுப்பட்டுமா? என்றார் நான் சொன்னேன்... என்னால் எந்த கேள்விக்கும் ஒரு வரியில் பதில் சொல்ல முடியாது... பொறுமையாக பதில் சொல்ல வேண்டும்..இப்போது படபிடிப்பில் இருக்கின்றேன் அதனால் நான் சொல்லும் போது அனுப்ப சொன்னேன்..

போனவாரம் சாட்டில் பேசிய போது வரும் வெள்ளிக்கிழமை கேள்விகள் அனுப்புவதாக  சொல்லி அனுப்பி வைத்தார்... நேற்று கழுகு வலைப்பூவில் ஜாக்கியின் அதிரடி பேட்டி என்று எனது  பேட்டியை போட்டு இருந்ததார்கள்..

கழுகு தளத்தில்  வந்த எனது பேட்டியை வாசிக்க இங்கே கிளிக்கவும்....

எனது முதல் பேட்டி இது... என்னை பேட்டி எடுத்து  அதனை வெளியிட்ட கழுகு வலைப்பூவுக்கு என் நன்றிகள்.

பேட்டியில் ஒரு பத்தியில் நான்  சொல்லி இருப்பேன். இந்த பேட்டி வரும் அக்டோபர் 19ம்தேதி வந்தால் அன்றுதான் எனது திருமணநாள்  என்று குறிப்பிட்டு  இருந்தேன்... பேட்டி போட்டதில் இருந்து வாழ்த்துக்களை நண்பர்கள் சொல்லி கொண்டு இருக்கின்றார்கள்....

மிகசரியாக இரண்டு வருடங்களுக்கு முன் கடலூரில் எனது திருமணம் இதே நாளில்  நடந்தது...

கழுகு தளத்தில் பேட்டி வெளியானதும் கழுகின் தளத்திலேயே எனது திருமணநாளுக்கு வாழ்த்துக்கள் சொன்ன... அத்துனை நண்பர்களுக்கும் என் நன்றிகள்...

பரிசல்காரன் கூட சொல்லி இருந்தார் அண்ணே எல்லோருக்கும் மறக்காம நன்றி சொல்வது எனக்கு தெரிந்து பதிவுலகத்தில் நீங்கதான்னே..

உண்மைதான் பரிசல், எனக்காக என் தங்கை, என் மனைவி,உறவினர்கள் வாழ்த்து சொல்வது ஒரு பெரிய விஷயம் அல்ல...

எனக்கு அவனுக்கும் எந்த சம்பந்தமும் இல்லை.. நேரில் பார்த்துகூட இல்லை.. ஒரே இணைப்பு இந்த பதிவுலகம் மட்டும்தான்.. எனக்கு போனில் வாழ்த்து  சொல்லிவிட்டு  என் மனைவியை உறவுமுறைவைத்து  அண்ணி, சிஸ்டர்க்கும் என்னுடைய  வாழ்த்தை மறக்காம சொல்லிவிடுங்கண்ணே என்று மறக்காமல் சொல்லும் போது, நமக்காக வேலைமென்க்கெட்டு கிரிட்டிங் அனுப்புவதும், எஸ்எம்எஸ்சில் வாழ்த்து சொல்வதும், மெயில் செய்வதும்  ரத்தசம்பந்தம் இல்லாதவர்கள் செய்வது பெரியவிஷயம்தானே.....

அதனால்தான் நன்றி சொல்ல அஞ்சுவதே இல்லை 300 வது பதிவு என்று எண்ணுகின்றேன்.. அதில் பின்னுட்டம் இட்ட அனைவரின் பெயரையும் குறிப்பிட்டேன்...அப்போது கோவியார் இந்த விஷயத்துக்கு வெகுவாய் பாராட்டினார்...அப்போது யாரோ ஒரு பெங்களுர் நண்பர் ஜாக்கி அண்ணை  என் பேரையும் குறிப்பிட்டு இருக்கிங்களே என்று சொல்லி பின்னுட்டத்தில் தனது மகிழ்ச்சியை தெரிவித்தார்..

அந்த வார்த்தைகளிலும் அந்த வரிகளிலும் உள்ள  சந்தோஷத்தை நான் உணர்ந்து இருக்கின்றேன்...தொடர்  படப்பிடிப்பு வேலைபளுகாரணமாக சில பதிவுகளுக்கு பின்னுட்டம் இட்டவர்களுக்கு கூட நான் பதில் சொல்ல முடியாமல் போனதும் நடந்தது.. வரிவரியாய் எல்லோருக்கும் சொல்வதை விட, பின்னுட்டம் இட்ட அனைவருக்கும் நன்றி என்றாவது எழுத வேண்டும் என்று இப்போது எல்லாம் எழுதி வருகின்றேன்...

பர்சில் இருந்து பணம் எடுக்கையில் நகை அடகு சீட்டோ,பெட்ரோல் பில்லோ நம்மைஅறியாமல் கீழே விழுந்ததும்  அது பறக்க எத்தனிக்கும் போது நமக்கு சம்பந்தம் இல்லாதவர் சட்டென குனிந்து அதை எடுத்து கொடுப்பார்கள்...

அப்படி சட்டென நமக்காக கீழே குனிந்து எடுத்து கொடுத்தவரை பார்த்து நெகிழ்ச்சியோடு நன்றி சொல்லாமல், நாம் முகத்தை திருப்பிக்கொண்டு போகபோவதில்லை... அது போலதான் எனக்காய் நேரம் ஒதுக்கியவர்களுக்கு  நன்றி தெரிவிப்பதும்........

நேரில் பார்த்திராதவன், என்னோடு ஒரு குவளை தேநீர் அருந்தாதவன், என் கைகுலுக்களின் ஸ்பரிசம் அறியாதவன்... ஜாக்கி நீங்க நல்லா இருக்கனும் என  வாழ்த்துவது பெரிய  விஷயம்  அல்லவா?

திரும்பவும் சொல்கின்றேன்...

மிக்க நன்றி நண்பர்களே....

பிரியங்களுடன்
ஜாக்கிசேகர்....

குறிப்பு.. பிடித்து இருந்தால் எத்தனை நாளுக்கு பிறகு வாசித்தாலும் ஓட்டு போட மறக்காதீர்கள்.... ஓட்டு போடுவது குறித்து இண்டலி மற்றும் தமிழ்மணத்தில் விரிவாய் சொல்லி இருக்கின்றார்கள்.