மாநகர பேருந்தை நிறுத்தி, சென்னையை ஸ்தம்பிக்க வைக்க எளியவழிகள்.(சென்னையில் வாழ பழக….)

நேற்று காலையில் என் அத்தை பெண் திண்டிவனத்தில் இருந்து சென்னைக்கு காலையில் வந்த போது முதலில் குறுஞ்செய்தியாக மாநகர பேருந்து ஸ்டிரைக்கா? என்று கேட்ட போது  அப்படி எல்லாம் இல்லை  என்றேன்.



காலையில் நிறைய பேர் வேலைக்கு போகமுடியாமல் பேருந்து கிடைக்காமல் தவித்து போய்  இருக்க என் கசின் சென்னை ஏசி  வால்வோ பேருந்தில் கதவு திறந்த நிலையில் படிகளில் தொங்கி கொண்டு மக்கள் போவதாக போனில் சொன்ன  போது பிரச்சனையின் தீவிரம் புரிந்தது.

 பேருந்து போகாமல் ஸ்டிரைக் நடக்க முக்கியகாரணம் என்ன ? என்று விசாரிக்கும் போது வழக்கம்  போல் பேருந்து டிரைவரையும் ஓட்டுனரையும் உதைத்து விட்டார்கள் அதனால் இந்த ஸ்டிரைக்  என்று ஊடகங்கள் அலறின.

ஏற்கனவே ஒரு நாள் இரவு பத்து மணிக்கு பணி முடிந்து சின்னமலை அருகில் இருக்கும் ஒருடாஸ்மார்க் கடையில்  மாநகர பேருந்து ஓட்டுனர்களுக்கும் மற்றவர்களுக்கும் ஏற்பட்ட வாய்தகராறு காரணமாக, டிரைவர்களுக்கு ஆதரவாக மற்ற மாநகர பேருந்து ஓட்டுனர்கள் களம் இறங்கி ஒரு நான்கு மணி நேரம் நகரை திக்குமுக்காட வைத்தனர். அந்த ருசி தெரிந்தவர்கள் இந்த முறை நியாயமாக பணியில் இருக்கும் போதே ஓட்டுனரும் நடத்துனரும் தாக்கபட அவ்வளவுதான் வீறுகொண்டு எழுந்து விட்டனர்.



முதல்வன் படத்தில் பட்டவர்தனமாக சங்கரும் சுஜாதாவும் ரொம்ப டிடெயில்டாக ஒரு பஸ் ஸ்டிரைக் எப்படி நடக்கின்றது? என்று காட்டி இருக்கின்றார்கள்.

சரி இந்த பிரச்சனை எப்படி ஏற்பட்டது தெரியுமா?

சென்னை பாடி பேருந்து நிறுத்தத்தில் பயணிகள் இறக்கிவிட்டுக்கொண்டு இருக்கும் போது பின்னால் வந்த ஒரு ஸ்கார்பியோ காருக்கு  மாநகர பேருந்து டிரைவர் வழி கொடுக்கவில்லையாம் இதனால் டிரைவர் இருவருக்கும் வாய்தகராறு கைதகராறாக மாற,ஸ்கார்பியோவில் இருந்த அந்த பகுதி கவுன்சிலர் மகன் இறங்கி வீரம் காட்ட, பின்னால் வந்த மாநகர பேருந்து ஒட்டுனர் தட்டி கேட்க, அவருக்கும் உதை விழ அதன் பிறகு கவுன்சிலர் மகன் செல்லில்  சிலருக்கு அழைப்பு விடுக்க.. அவர்கள் வந்த எல்லோரையும் கடுமையாக தாக்கி, பேருந்து கண்ணாடிகளையும் உடைத்து இருக்கின்றார்கள்.  தாக்கியவர்கள் மீது நடவடிக்கை எடுக்க மாநகர பேருந்து ஸ்டிரைக்…இதுதான் பத்திரிக்கை செய்தி.

நடந்தது என்ன என்று ஐயும் பொய்யும், ஆண்டவனுக்கே வெளிச்சம். ஆனால் ஞாயிறு அன்று  நகரின் ஒரு இடத்தில் நடந்த தகாராறு காரணமாக பாதிக்கபட்டது பல்லாயிரக்கணக்கான பொது மக்கள். அறிவிக்கபடாத இந்த திடிர் ஸ்டிரைக்கால் பெரும் அவதிபட்டார்கள்.
பணியில் இருக்கும் போது ஓட்டுனரும் நடத்துனரும் தாக்கபட்டதை வண்மையாக கண்டித்தாலும் அந்த பிரச்சனைக்கு புகார்கொடுத்ததும் காவல்துறை விரைந்து நடவடிக்கை எடுத்து இருக்க வேண்டும்.

திடிர் ஸ்டிரைக் பாதிக்கபட்டவர்கள் பட்டியல்

1.பாக்கெட்டி பத்து ரூபாயுடன் கோயம்பேடு இறங்கி ஐந்து ரூபாய் டிக்கெட்டில் வீடு போய் சேர்ந்து விடலாம் என்று நினைத்தவர்கள் மனதில் மண்.

2.மிக முக்கியமாக பள்ளிக்கு செல்லும் பிள்ளைகள் மற்றும் முதியவர்கள் பாதிக்கபட்டார்கள்

3. வேலைக்கு போகும் அனைத்து தரப்பினரும் பாதிக்கபட்டார்கள்…

4. கோயம் பேட்டில் இறங்கி பேருந்து பிடித்து வீட்டில் போய் பிரியா கக்கா போகலாம் என்று நினைத்த ஆண் பெண் இருவரும் பாதிக்கபட்டு கோயம்பேடு பப்ளிக் டாய்லட்டில் உட்கார்ந்து ஜென்மசாபம் அடைந்தனர்.

5.புதிதாய் வேலைக்கு நேர்முக தேர்வுக்கு செல்ல இருந்தவர்கள்.. திடிர் ஸ்டிரைக்கில் திக்குமுக்காடி போனார்கள்.

6.பல பேருக்கு இன்று காலை  காதலை சொல்ல இருந்து இருப்பார்கள். பேருந்து ஸ்டிரைக் அந்த காதலை குழி தோன்டி புதைத்து இருக்கும்.

7. முதல் நாள் வேலைக்கு  சரியான நேரத்தில் டூட்டிக்கு போக  நினைத்த கொரியர் பையன் கூட,  முதல் நாளே  லேட்டாக போய் ஓழ் பாட்டு வாங்கி இருப்பான்.

8, பேருந்தை  மட்டும் நம்பி சொற்ப்ப பணத்துடன் குழந்தைகளோடு கோயம்பேடு இறங்கிய பல குடும்பதலைவர்கள் பாதிக்கபட்டு இருப்பார்கள்.

9. அன்றாடம் காட்சிகள் பலர் அம்பத்தூரில் இருந்து சித்தாள், கொத்தனார் வேலைக்கு தாம்பரத்துக்கு சென்று வேலை பார்த்தால்தான் அடுத்த வேலைக்கு சோறு அல்லது பலதேவைகள் பூர்த்தி செய்ய நேற்றைய வேலை கோவிந்தா? கோவிந்தா?

10.பேருந்து இல்லை என்றால் ஷேர் ஆட்டோ கொள்ளையினால் பாதிபணத்தை இழந்தவர்கள் ஏராளம்…

 இப்படி எழுதிக்கொண்டே போகலாம்.

தாக்கியவர்களை கண்டுபிடித்து கடுமையான நடவடிக்கை எடுக்கவில்லை  என்று சொல்கின்றார்கள். போக்குவரத்து ஊழியர்கள். அப்படி பார்த்தால்  சட்டம் ஒழுங்கு சரியில்லை அல்லவா?

ஏற்கனவே சாலைமறியலால் தமிழகம் தத்தளித்துக்கொண்டு இருக்கின்றது.

 இலவச டிவி கொடுக்கவில்லையா உடனே ரோட்டில் சாலையை மறியுங்கள்.

கழிவு நீர் உங்கள் ஏரியாவில் அகற்றபடவில்லையா? ரோட்டில் வந்து உட்காருங்கள் சாலைமறியல் செய்யுங்கள்.

ஒரு கொலை மீது உங்களுக்கு சந்தேகமா சாலைமறியல் செய்யுங்கள்.

ஒரு சிலையின் கை உடைக்கபட்டு விட்டதா? உடனே சாலைமறியல் செய்யுங்கள்.

ஒரு விபத்தில் மூவர் உயிர் இழந்து விட்டார்களா? உடனே சாலைமறியல் செய்யுங்கள்.



சென்னையில் சாலைமறியல் செய்வது ஈசி… இன்னும் கொஞ்ச நாளில் வட்ட  செயளாளர் வண்டுமுருகன் வீட்டு பெண் வயசுக்கு வரவில்லை என்றால் கூட சாலைமறியல் நடக்கும் ஆச்சர்யபட தேவையில்லை. நநாம் இருப்பது சென்னை அல்லவா...


நல்லவேளை எந்திரன் படம் எல்லா இடத்திலும் போட்டு தொலைத்தார்கள். இல்லையென்றால் டிக்கெட் கிடைக்கவில்லை என்று அதற்குகூட சாலைமறியல் செய்யபட்டு இருக்கலாம்.


அண்ணாநகர் டெப்போ என்று நினைக்கின்றேன். மக்கள் படும் அவதியை பார்த்து ஒரு மாநகர பேருந்து ஓட்டுனர் பேருந்தை  எடுக்க, அவரை மற்ற ஓட்டுனர்கள் உதைத்து நல்லி எலும்பை நேராக்கி இருக்கின்றார்கள். சக டிரைவரையே உதைத்த ஓட்டுனர்கள்தான் பாடி தாக்குதலுக்கு காரணமானவர்களை கைது செய்ய போராடிகொண்டு இருக்கின்றார்கள்.

பேருந்து ஓட்டுனர்களே ....தாக்குதலை கண்டித்து அடையாள  உண்ணாவிரதம் இருங்கள். அப்படியும் அரசு மசியவில்லையா? அறிவித்து விட்டு ஸ்டிரைக்செய்து உங்கள் ஒற்றுமையை  காட்டுங்கள் அதை விடுத்து திடிர் ஸ்டிரைக் ஏன்???



நாளை அல்லது மறுநாள் சென்னை பேருந்து இயக்கத்தை நிறுத்தி மீண்டும் சென்னையை ஸ்தம்பிக்க வைக்க வேண்டுமா? ரொம்ப சிம்பிள், வடபழனி  டெப்போ டிரைவர் கண்டக்டர் இருவரை  உதைத்தால் போதும். சரி தமிழ்நாடு முழுக்க பேருந்து நிறுத்தம் செய்ய வேண்டுமா? எல்லா மண்டலத்திலும் எதாவது பிரச்சனையில் டிரைவர் கண்டக்டரை உதைத்தால் தமிழ்நாடு ஸ்தம்பித்துவிடும்.  இன்னும் கொஞ்சம் நாளில் இது நடந்தாலும் ஆச்சர்யபடபோவதில்லை



ஏற்கனவே சென்னை மாணவர்களுக்கும் போக்குவரத்து ஊழியர்களுக்கு ஏழாம் பொறுத்தம் அதனால் இது போல் அடிக்கடி பிரச்சனை ஏற்படும்.காவல்துறை மவுனியாகும் .இது போலவே  பேருந்து வராமல் ஸ்தம்பிக்க வைப்பார்கள்.

இந்த பிரச்சனையில் அரசு என்ன நடவடிக்கை எடுத்தது.  பேருந்து இயக்காமல் பொதுமக்களை பாதிக்க செய்தவர்கள் மீது என்ன நடவடிக்கை என்பது குறித்து தகவல் ஏதும் வரவில்லை. ஒரு ஒட்டுனர் மற்றும் கண்டக்டர் பணியின் போது தாக்கபட்டால் அது குறித்து என்ன விதமான நடவடிக்கை எடுக்கபடும் என்று தெளிவாக அரசு செய்தி குறிப்பு சொல்லவில்லை.

அவர்களை பொறுத்தவரை எல்லா நாட்களை போல அதுவும் ஒருநாள்..

இது போலான சூழ்நிலைக்கு முன்னாள் முதல்வர் ஜெயலலிதாவை பொருத்தி பார்க்க மனது சொல்கின்றது.



 சென்னை மக்களே எல்லாத்துக்கும் பழகிக்கிங்க…. சென்னையில் வாழ பழக இதுவும் தெரிந்து வைத்து இருக்க வேண்டும். தினமும் காலையில் வேலைக்கு போகும் போது கருத்தாக இருபதுரூபாய் முப்பது ரூபாய் மட்டும் எடுத்துக்கொண்டு  செல்வார்கள்.

தூரத்துக்கு ஏற்றது போல் பையில் 100லிருந்து 200 வரை வைத்துக்கொள்ளுங்கள். பாடியில் நடந்த பிரச்சனைக்கு  தாம்பரத்தில் ஷேர் ஆட்டோகாரருக்கு மொய் வைக்க வேண்டி இருக்கும்.


பிரியங்களுடன்
ஜாக்கிசேகர்....

குறிப்பு.. பிடித்து இருந்தால் எத்தனை நாளுக்கு பிறகு வாசித்தாலும் ஓட்டு போட மறக்காதீர்கள்.... ஓட்டு போடுவது குறித்து இண்டலி மற்றும் தமிழ்மணத்தில் விரிவாய் சொல்லி இருக்கின்றார்கள்..