சின்ன சந்தையும் விட்டு வைக்காத ஆட்டோ ஓட்டிகள்....(பகுதி/2)

சென்னையில் வாழ பழக தொடருக்கு பெரும்பான்மையோர் நீங்கள் கொடுத்த அதரவுக்கு நன்றி...எனக்கு தெரிந்து அது எல்லோருக்கும் உள்ளே பொதிந்து இருக்கும் விஷயம்...

நான் சொல்கின்றேன்..அவ்வளவுதான்...நிறைய பேர் இதை எழுதுங்கள் அதை எழுதுங்கள் என்று ஒரு பெரிய பட்டியலே கொடுத்து தங்கள் வேதனைகளை வெளிபடுத்தி வருகின்றார்கள்...எல்லாவற்றையும் நேரம் கிடைக்கும் போது கண்டிப்பாக எழுதுவோம்....

இன்று சென்னையிலும் தமிழ்நட்டிலும் சட்டென மூளை சூடாகும் ஒரு சின்ன விஷயத்தை உங்களோடு பகிர்ந்து கொள்ள போகின்றேன்.. பிரெஞ்சுகாரர்கள் புதுவையில் எப்படி திட்டமிட்டு சாலை அமைத்தார்களோ அது போல திட்டமிட்ட சாலை தமிழகத்தில் இருப்பது எனக்கு தெரிந்து நெய்வேலி டவுன்ஷிப்...கல்பாக்கம் டவுன்ஷிப்பை குறிப்பிட்டு சொல்லலாம்....

ஆனால் பல லட்சக்கணக்கான மனிதர்கள் வாழும் தமிழகத்தில் அது போலான திட்டமிட்ட நகர சாலைகள் எங்கும் இல்லை என்பதே நிதர்சன உண்மை.. மிக குறுகிய சாலைகள்... அதில் ஒரு சிக்னல் அதில் பல்லாயிரக்கணக்கான வாகனத்தின் பயணம்...சென்னையில் அல்லது தமிழகத்தில் ஒரு சிக்னல் இருக்கின்றது என்று வைத்துக்கொள்வோம்... எல்லோரும் நெற்றிவியர்வை வழிந்து சிக்னலுக்காக காத்து இருக்கின்றோம்... சைடில் ஒரு சின்ன வழி இருக்கும் அதில் போனால் சிக்னல் பக்கத்தில் போய் நிற்க்கலாம்... 20 வாகனத்தை கடந்து முன்னே போகலாம் ... அந்த வழியில் ஒரு டூவிலர் மட்டுமே போகலாம்.. அது எல்லோருக்கும் தெரியும்...சரி அஅதில் போய் கொஞ்சம் முன்னே நின்று நேரத்தை மிச்சபடுத்துவோம் என்று நீங்கள் நினைத்து கொண்டு அந்த சந்தில் போக எத்தனிக்கும் போது.. அந்த சந்தில் ஒரு ஆட்டோ போக டிரை செய்யும்...

ஒரு சில நல்ல ஆட்டோ டிரைவர்கள்... அந்த சந்தை பார்த்தும் அதில் போக முடியாது என்று நின்று விடுவார்கள்.. ஆனால் சிலர் வீம்புக்கு உள்ளே நுழைந்து போய்... அந்த சந்தை மறைத்துக்கொண்டு எந்த டூவிலர்காரனும் முன்னே போய்விடாத படி மறைத்துக்கொண்டு நிற்பார்கள்...இதனால் ஒரு 20 டூவீலர்காரர்கள் பயன்பெற்று இருப்பார்கள்...அவர்கள் பயண நேரம் நிச்சயம் மாறு பாடு அடைந்து இருக்கும்....

நானும் கடலூரில் ஒரு வருடம் ஆட்டோ ஓட்டியவன் என்ற முறையில் சொல்கின்றேன்...ஆட்டோக்களின் பெரிய பிரச்சனை என்னவென்றால் அதன் நடுப்பகுதி டிரைவிங் சீட் ஒன்று ஓரத்தில் இருந்தால் எந்த பிரச்சனையும் இல்லை... அது சைடு பார்த்து ஓட்டுவதற்க்குள் தாவு தீர்ந்து விடும் ஆனால் இதில் நடுப்பகுதியில் திராட்டல் இருப்பதால் நடுவில் உட்கார்ந்து இருக்கும் ஆட்டோ டிரைவர் தன்னை டூவீலர் ஓட்டியாகவே தன்னை கருதிக்கொள்கின்றார்....அதனால்தான் சிறு சந்தையும் விடுவதில்லை...இந்த பிரச்சனைக்கு ஒரே தீர்வு எல்லா ஆட்டோவிலும் டிரைவிங் சீட் வலப்புற ஓரத்தில் வைக்க வேண்டும்....செய்யுமா அரசு..????

எல்லோரும் முன்னே போகவேண்டும் என்று ஆசைதான்.... நேரத்துக்கு போக வேண்டும் ஆசைதான்.. அதை குற்றம் சொல்லவில்லை... ஆனால் போகவே முடியாத சந்தில் முன்னே போக வேண்டும் என்றும்... எந்த டூவீலர்காரனும் முன்னே செல்லாத படி..சிதம்பரம் கோவில் நந்தி போல் இருப்பபது எந்த விதத்து நியாயம்.....தானும் படுக்காது தள்ளியும் படுக்காத இந்த போக்கு தமிழகத்தில் பார்த்தும் நீங்கள் அனுபவித்து இருப்பீர்கள்...


இப்போதெல்லாம் பல இடங்களில் இது போலான சின்ன சந்துகளில் இரு சக்ர , மற்றும் ஆட்டோ ஓட்டிகளுக்கு போட்டியாக, இன்டிகா கார் டிரைவர்கள் கூட டிரை செய்வது உட்சபட்ச காமெடி....


ஆட்டோகாரர்கள் மற்றும் டூவீலர்காகரர்கள்... புலம்பலை ஓரே நேரத்தில் சொன்னால் அது போரடித்து விடும் என்பதால் துவானம் போல் விட்டு விட்டு புலம்புகின்றேன்...அதே போல் இதில் ஆட்டோகாரன் மட்டம் டூவீலர்காரன் ஒஸ்த்தி என்று சொல்வது நம் நோக்கமல்ல எல்லோர் பக்கத்தில் இருக்கும் அவர்களுக்கே தெரியாமல்... அல்லது தெரிந்தே செய்யும் தவறுகளை நான் பார்த்தவரையில் உங்களோடு பகிர்ந்து கொள்கின்றேன்..

அன்புடன்
ஜாக்கிசேகர்

நாலுபேரு இதை படிக்கனும்னா ஓட்டு போடுங்கப்பா...