ராவணன்... மணிரத்னம் சாருக்கு என் கண்டனம்

மணிரத்னம் சார் பெரிய டைரக்டர் அவருக்கு கண்டனத்தை முதலிலேயே சொல்லிவிடுவது அவ்வளவு நல்லது இல்லை கடைசியில சொல்லறேன்...நீங்களும் உடனே கிழ போய் படிக்காம நிதானமா படிச்சிட்டு அப்புறம் கீழ போய் பாருங்க......

==================

ராவணன் பெரிய ஏதிர்பார்பை ஏற்படுத்திய படம்.. விண்ணைதாண்டிவருவாயாவுக்கு பிறகு எவ்வளவு பணம் வேண்டுமானாலும் கொடுத்து டிக்கெட் வாங்கி முதல் நாளில் பார்க்க அலையும் ஏ சென்டர் மக்கள்...இரண்டு நாட்களுக்கு முன்பே மிட் நைட் 12மணியிலிருந்து ஒரு மணிக்குள்...மூன்று நாட்களுக்கு டிக்கெட் ஹவுஸ்புல் ஏன்று இன்டர்நெட்புக்கிங்கில் காட்டியபடம்.... ஒரு பெண்ணின் அளுமை என்பது என்ன? ஒரு பெண்ணை எதற்கு பிடிக்கும்? அழகா?அல்லது அந்த பெண்ணின் ஆளுமையா? அறிவா? தைரியமா? ஒரு ஆணுக்கு இது போலான ஏதோ ஒரு விஷயத்தில் ஒரு பெண்ணின் மீது ஈர்ப்பு ஏற்படுகின்றது.. ஒரு பெண் மிக தைரியமாக இருப்பது ஆணுக்கு மிகப்பெரிய கலக்கம் என்றாலும் அது போலான பெண்களைதான் ஆணுக்கு பிடிக்கும்...தசரத சக்ரவர்த்தி போரில் இருக்கின்றார்..தேரின் கடையானி கழண்டு விடுகின்றது... தேர் குடை சாய்தால் அவர் போரில் தோற்றுவிடுவார்...கைகேயி அங்கு இருக்கின்றாள்...கடையானி கழண்டு விடுவதை பார்த்து விடுகின்றாள்... எதை பற்றியும் யோச்சிக்கவில்லை.. சட்டென தன் கையை கடையானிக்கு பதில் நுழைத்து தேர் குடை சாயமல் காத்து போரில் தசரதன் வெற்றி பெற உறுதுணையாக இருக்கின்றாள்.... உடனே தசரதனும் நெகிழ்ந்து எந்த வரம் வேண்டுமானாலும் கேள் ? என்று வாக்கு கொடுக்க மிக முக்கிய காரரணம் கைகேயின் தைரியம்... 17mபேருந்தில் சில்மிஷம் செய்தவனை எதைபற்றியும் கவலைபடாமல் செருப்பால் அடித்த அந்த முகவரி தெரியாத பெண்... காவல்துறை உயர் அதிகாரி லத்திகாசரன்... இப்படி தைரியமான பெண்களை எல்லா ஆண்களுக்கும் பிடிக்கும்.... அடிதட்டு மக்களுக்காக எதையும் செய்யும் ஒருவன்... ஒரு பெண்ணை கொலை செய்ய... துப்பாக்கியை நெற்றி நோக்கி நீட்டும் போது, கெஞ்சாமல் அவனிடம் வீரமாக பேசும் பெண்ணை.. அதுவும் பயமே இல்லாமல் இருக்கும் பெண்ணை ஒரு அணுக்கு பிடித்து போவது இயல்பான விஷயம்...அதுமட்டும இல்லாமல் மலை அருவியில் இருந்து கொஞ்சமும் யோசிக்காமல் குதித்து வைத்தால்...அந்த பெண்ணின் தைரியத்தின் மீது கொஞ்சம் மதிப்பு வரும் அதுவே அந்த பெண் பேரழகு என்றால்....அவளுக்கா எதையும் மணம் செய்யதுணியும் அல்லவா...? அப்படிபட்ட ஒருநாட்டுபுரத்தானின் கதை...

ராவணன் படத்தின் கதை என்ன?

மலைவாழ் மக்களின் உரிமைக்காக போராடும் விரா (விக்ரம்) உரிமைக்காக போரடுவது என்பது அதிகாரவர்கத்தின் நெற்றியில் துப்பாக்கி வைத்து கேள்வி கேக்கும் விஷயம்...எப்போதுமே அதிகாரவர்கம் உரிமையை கொடுக்காமல்.... எப்படி துப்பாக்கி தூக்கலாம்? என்று கேள்வி மட்டும கேட்கும்... அதிகாரவர்கத்தின் ஆளாய் வீராவின் கொட்டத்தை அடக்க வரும் தேவ் (பிருத்திவிராஜ் ) ஆண்டு ஆண்டுகாலமாய் அதிகாரவர்கத்தினர் செய்யும் அதே காரியத்தை அதாவது வீராவை பிடிக்க அவளது தங்கை வெண்ணிலா(பிரியாமணி) காவல்துறையினரால் வன்புனர்ச்சி செய்யபடுகின்றாள்... அதற்கு காரணமான பிருதிவிராஜின் மனைவி ராகினி(ஐஸ்வர்யாராய்) கடத்தி அவளை கொலை செய்து இழப்பின் வலியை உணர்த்த நினைக்க... ராகினி அழகு விராவை இம்சை அடைய செய்கின்றது...கடத்திய மனைவியை மீட்க போராடம் கணவன்... கடத்திய பெண்ணின் மீது காதல் கொண்ட வீரா?முடிவு என்னவானது என்பதை திரையில் பார்த்து தெரிந்து கொள்ளவும்..இப்படியும் இந்த படத்துக்கு விமர்சனம் எழுதலாம்... அல்லது கீழே இருப்பது போலவும் எழுதலாம்... ராவணன் படத்தின் கதை என்ன? இராமாயனம் கதை எல்லோருக்கு தெரிந்த காரணத்தால்... பிருத்திவிராஜ்...ராமன் விக்ரம்..................ராவணன் பிரபு.......................ராவணனின் சகோதரன் கும்பகர்ணன் கார்திக்..................அனுமன் பிரியாமணி .......சூர்பனகை என்று சொல்லமுடியாது...நவீன ராவணனின் நல்ல தங்கை....இந்த அடிப்படை ஒன் லைனை வைத்துக்கொண்டு ராமயணத்தின் கதையை நவீன படுத்தி நாட்டு நடப்புகளை சேர்த்து எடுத்தால் எப்படி இருக்கும்? அதுதான் மணிரத்னத்தின் ராவணன்...


படத்தின் சுவாரஸ்யங்களில் சில... விக்ரம் இந்த படத்தில் வீராவாக வாழ்ந்து இருக்கின்றார்... ஆனால் நிறைய படங்களில் கத்தி பேசி நடித்து இருப்பதால் இனி வரும் படங்களில் கவனம் தேவை...கோடு போட்டா பாடலில் ஆடும் ஆட்டம் அற்புதம்...அதே போல் அருவியில் சறுக்கிய படி விழுவது... காரணம் விக்ரமுக்கு நிஜ வாழ்க்கையில் நடந்த விபத்தில் காலில் ஆப்ரெஷன் செய்யபட்ட கால் அவருடையது... அந்த காலோடு வழுக்கு பாறையில் வழுக்குவது விக்ரமின் அற்பணிப்பு... பிருத்திவிராஜ் போலிஸ் உடையும் அந்த கணீர் குரலும்... செம மேன்லிநஸ்...ஐஸவர்யாவோடு படுக்கையில் புரண்டு நெஞ்சில் கை வைத்து படம் பார்க்கும் எல்லோருக்கும் வியிற்று எரிச்சலை இலவசமாக கொடுக்கின்றார்(எதற்கும் ஈனோ வாங்கி கொண்டு போங்கள்) பிரபு பல வருடங்களுக்கு பிறகு திரையை ஆக்ரமிப்பு செய்து இருக்கின்றார்...விக்ரமின் சகோதரர் பாத்திரம்..இவருக்கு மனைவி ரஞ்சிதா.. கொடுத்த பாத்திரத்தை இருவரும் நன்றாக செய்து இருக்கின்றார்... ரஞ்சிதாவுக்கு ஒரு டயலாக் கூட இல்லை... அது போலான சூழ்நிலை என்று நினைக்கின்றேன்...... கார்திக் சில காட்சிகளில் சோபித்தாலும் பல காட்சிகள் மனதில் நிற்க்க மறுக்கின்றார்.. இருந்தாலும் இந்த ரீ என்ட்ரியை வரவேற்கலாம். ஐஸ்வர்யாராய்... இந்த படத்தின் பெரும் பலம்...மனுஷி சொன்ன இடத்தில் எல்லாம் வெற்று பேப்பரில் கையெழுத்து போடுவது போல் என் எதற்கு என்று கேட்காமல் காடு லோக்கேஷன்களில் நடித்து கொடுத்து இருக்கின்றார்...ஜசுக்கு இந்த படம் ஒரு மைல்கல்.. எந்திரனை விட இந்த படத்தின் உழைப்பை எப்போதும் ஐஸ் பெருமையபக சொல்லி கொள்ளலாம்...எல்லா காட்சிகளிலும் மார்பு தெரிகின்றது... கண்கள் பேசுகின்றது.. உடம்பு வில்லாக வலைகின்றது... குருநாதர் படம் என்ற டெடிகேஷன் தெரிகின்றது....வயது முதிர்ச்சி சில காட்சிகளில் தெரிகின்றது... மிக முக்கியமாக தண்ணீரில் ஐசு படுத்து இருக்கும் போது எதிரில் கல்லில் நிற்க்கும்... விக்ரமின் கல்லை தட்டிவிட்டதும் விக்ரம் ஐஸ்மேல் பேலன்ஸ் தவறி நெடுஞ்சான் கிடையாக விழும் போது விக்ரமின் மீது படாமல் மேல்ல மேலே எழும் போது ஐஸ் கொடுக்கும் ரியாக்ஷன் சான்சே இல்லை.... படத்தின் ஒயிப்பதிவாளர்கள் மணிகண்டன் மற்றும் சந்தோஷ்சிவன் உழைப்பு எல்லா பிரேம்களிலும் தெரிகின்றது...கூடுமானவரை டாப் லைட்டில் ஷுட் செய்வதை தவிர்த்து இருக்கின்றார்கள்... அப்போதுதான் காட்டின் அந்த ஈரப்பதத்தை பார்வையாளன் உணர முடியும் என்பதால் ஹார்ஷ் லைட் ஒரு 30 ஷாட்டுகளில் மட்டுமே வரும்....


டுவலைட் ஷாட்டுகளில் அதிகம் கவனம் செலுத்தி இருக்கின்றார்கள்...எல்லா காட்சியிலும் சாரலும் பனியும் வியாபிக்கின்றது..காலை ஐந்தரையில் இருந்து ஒன்பது மணிக்குள்ளும் மாலை 4மணியில் இருந்து ஆறு மணிவரையும் பெரும்பாலான காடு சம்பந்தபட்ட காட்சிகள் ஷுட் செய்து இருக்க வேண்டும்... இந்த படத்துக்கு ஸ்பெஷல் மைக்கேரா லென்ஸ் யூஸ் செய்து இருக்கின்றார்கள்.... படத்தின் பிரேமிங்குகள் காடுகளையும் மனிதர்களையும் அழகாக காட்டி இருக்கின்றார்கள்.... முக்கியமாக ஐஸ்வர்யா பிருத்திவிராஜ் இன்டோர் சீன் விளம்பர படம் போல் எடுக்கபட்டு இருக்கின்றது... இந்த படம் மிகப்பெரிய ஆர்டிஸ்ட்டுகளை வைத்துக்கொண்டு மூன்று மொழிகளில் எடுக்கபட்ட படம்...பெரும்பாலான காட்சிகள் காடுகளில் படம் பிடிக்கபட்டு உள்ளன.... அதுவும் செட்டுகள் அற்புதம் குறிப்பாக ஆற்றில் இருக்கும் சாமி சிலையும்.. கோடு போட்டா சாங்குக்கு ஆற்றில் நடுவில் போட்டு இருக்கும் செட் அற்புதம் மிகப்பெரிய தொகைக்கு விற்பனை செய்யபட்டு இருக்கின்றது... ராஜ்டிவி இந்த படத்தின் ஒளிபரப்பு உரிமையை 5 கோடி கொடுத்து வாங்கி இருப்பதாக கோடம்பாக்கம் பட்சி சொல்கின்றது.... உலகமே அறிந்த ஒரு இதிகாச கதையை கையில் வைத்துக்கொண்டு...

அதில் தற்கால நாட்டு நடப்புகளை சேர்த்து கதையை சற்றே விறுவிறுப்பாககவும்.. கொஞ்சம் அயர்ச்சியாகவும் சொல்லி இருக்கின்றார்.... எல்லோருக்கும் இந்த கதை தெரிந்த விஷயம் என்பது படத்தின் பெரிய பலவீனம்... ஜேம்ஸ் கேமரோன் டைட்டானிக் என்று முன்பே எடுத்த படத்தையும் எல்லோருக்கும் தெரிந்த டைட்டானிக்கின் முடிவையும் வைத்துக்கொண்டு...மிக சுவாரஸ்யமாக திரும்பவும் எடுத்து வெற்றி பெற்றார் காரணம் அந்த படத்தில் அடிப்படையில் இருந்த அந்த காதல் பார்வையாளனை கட்டி போட்டது.... அதுவும் இல்லாமல் ரொம்பவும் டிடெய்லாக சொல்லபட்ட திரைக்கதை... இந்த படத்தில் அது போலான நெஞ்சை நெகழவைக்கும் எந்த விசயமும் இல்லை... இந்த படத்தை ஐஸ்வர்யாராயின் அழகுக்காக நிச்சயம் பார்க்கலாம்...


ஆனால் கிளைமாக்சில் உருக்கமாக பேசும் வசனத்தின் போது முக்கால் வாசி மார்பு தெரியும் போது அந்த காட்சியின் கணத்தை பார்வையானன் உணராமல் வேறு கணத்தை பார்வையாளன் அளப்பது அந்த சீனுக்கான சறுக்கல்... பிரியாமணி தன் கற்பிழந்த கதையை அழுதவாறு சொல்ல அதற்கு மேல் அதனைகேட்க பிடிக்காமல் விக்ரம் வாய் முடுவது அழகு....



படத்தின் வசனங்கள் சுகாசினி மணிரத்னம் சில இடங்களில் கைதட்டல்களை அள்ளினாலும்... ஐஸ் சாமியிடம் வேண்டும் போது கெட்டவங்களை கெட்டவங்களாகவே கட்டவேண்டும் என்ற வசனம் பெரிய அபத்தம்.....கெட்டவன் அவன்தரப்பு நியாங்களை சொல்லவே கூடாதா?...முதலில் அவர்களை சுட்டுக்கொள்ள வேண்டும் என்று சொல்லும் ராகினி பாத்திரம்...அதன் பிறகு விக்ரமை சூட்டுக்கொள்வதை தடுப்பது போலத்தான் மேட்டுக்குடியினரின் வாழ்க்கை மற்றும் பார்வை...



எல்லாரையும் நல்லவர்களாக காட்ட முயற்ச்சித்து இருப்பது எவர் மீதும் பார்வையாளன் ஒட்டாமல் இருப்பது மிகபெரிய குறை... இந்தி மார்ககெட்டை மனதில் நிறுத்தி எடுத்த காரணத்தால் எல்லா இடத்திலும் நேட்டிவிட்டி மிஸ்சிங் அதிகம்....

ஐஸ் பசியில் இருக்க... பிரபு வந்து சாப்பாடு வைத்து விட்டு போக.. சாப்பாட்டை வாரி எடுத்து தின்னாமல் நளினமாக சாப்பிடுவது உச்சகட்ட கமெடி

பாடல்கள், பின்னனி இசை அற்புதம் ... படம் முடியும் போது ரகுமான் அவருக்கு மட்டும் கேட்கும் குரலில் ஒரு பாடல் பாடி இருக்கின்றார்...
படத்தின் டிரைலர்...



படக்குழுவினர் விபரம்....

Directed by Mani Ratnam Produced by Mani Ratnam Sharada Trilok Written by Mani Ratnam Suhasini Maniratnam Starring Vikram Aishwarya Rai Prithviraj Karthik Prabhu Priyamani Music by A. R. Rahman Cinematography V. Manikandan Santosh Sivan Editing by A. Sreekar Prasad Studio Madras Talkies Distributed by BIG Pictures Sony Pictures Release date(s) 18 June 2010 Running time 127 mins Country India Language Tamil Budget INR 120 crores


மாயாஜல் தியேட்டர் கலட்டா....

நான் நேற்று சங்கம் தியேட்டரில் 3 மணி காட்சிக்கு டிக்கெட் புக் செய்து இருந்தேன் .. காலையிலேயே மணிஜி போன் மாயாஜலில்ல டிக்கெட் இருப்பதாக சொல்ல. நான் வண்டியில் மனைவியை அழைத்து போய் ஆபிசில் விட்டு விட்டு ஓஎம் ஆர் ரோட்டில் அவசரமாக போய் கொண்டு இருக்கும் போது....200சீசீ பைக்கில் சிறு கட்டம் போட்ட பனியனை போட்டுக்கொண்டு வாயில் பிரஷ்வுடன் பெண்கள் போய் கொண்டு இருக்கும் வண்டிக்கு பக்கத்தில் போய் கர்ணகொடுரமான ஹாரன் அடித்தபடி அந்த எருமை சென்று கொண்டு இருந்தது...


மாயாஜல் தியேட்டருக்கு காலை பத்துமணிக்கெல்லாம் சைதாபேட்டை கோர்ட்டுக்கு அழைத்து போவது போல் முகத்தை மூடியபடி பல பெண்கள் தங்கள் பாய்பிரண்டுடன் வந்து இருந்தார்கள்... தியேட்டரில் எந்த கமெண்டும் இல்லாமல் படம் பார்த்தார்கள்...

ரஞ்சிதா திரையில் வரும் போது மட்டும் சத்தம் போட்டார்கள்.... எவ்வளவு சீக்கிரமாக போயிம் 15 நிமிட படத்தை தவறவிட்டேன்... இருந்தாலும் அங்கிருந்து நேராக சங்கம் போனேன்.... ========================

சங்கம் தியேட்டர் கலாட்டா....

சங்கம் தியேட்டரில் வண்டி டோக்கன் பத்து ரூபாய்க்கு கொடுத்தார்கள்... காதலுக்கு இப்போதுதான் எண்ட்ரி ஆகி இருக்கும் ஜோடி போல் தெரிகின்றது... அந்த பையனும் அந்த பெண்ணும் ரொம்பவே பயந்து போய் இருந்தார்கள்... அவன் தைரியதான இருந்தாலும் இவள் பயந்து அவனையும் பயமுறித்திக்கொண்டு இருந்தாள்... அந்த பெண் கிராமம் என்று நினைக்கின்றேன் பரபரப்பாய் வண்டிக்கு டோக்கன் போடுவதை ரொம்பம் ஆச்சர்யமாக பார்த்துக்கொண்டு இருந்தது... கல்லூரியில் இருந்து கட்டு அடித்து விட்டு வந்த பல ஜோடிகளை பார்க்க முடிந்தது.. வந்த பெண்களில் எல்லோரும் சென்னையிர் பன்றிகாய்சல் வந்தது போல் கர்சிப்பால் முகத்தை முடியபடி தங்கள் அடையாளத்தை தொலைக்க முயற்ச்சி செய்து கொண்டு இருந்தார்கள்..


தியேட்டரில் செம்மொழி பாடல் பேடும் போது அதுக்கு பயங்கர விசில் அடித்து தங்கள் வரவேற்ப்பை கொடுத்தனர்... முக்கியமாக ரகுமான் வந்த போதும் சுருதிஹாசன் வந்த போதும் தியேட்டரில் ஒரே விசில் சத்தம்...


நிறைய கல்லூரி பெண்கள் வந்து இருந்த காரணத்தால் நிறைய எக்சாக்ட்லி,வாவ்,ஃபன்னி,ரெடிகுலஸ் போன்றவை வலுக்காட்டாயமாக பேச பயண்படுத்தபட்டன....


ரஞ்சிதா வரும் காட்சிகளில்... சுவாமி என்ன பன்றார்? எப்படி இருக்கார் போன்ற ரஞ்சிதாவிடம் கேட்க வேண்டிய கேள்விகள் திரையை பார்த்து கேட்கபட்டன...


முதல் காட்சியில் ஒரு பெண் பச்சை ரவிக்கையில் பெருத்த மார்புடன் வர.. ஒரு 30 செகண்டுக்கு என்ன பேசினார்கள் என்பதே தெரியவில்லை... ஐஸ்வர்யா மார்பு தெரியும் காட்சிகளில் பயங்கர விசில் சத்தம்...

பிரியாமணி தன்னை கெடுத்ததாக சொல்லும் காட்சியில்...முத்தழுகு உன்னை ஏன் எல்லா படத்துலயும் பொரட்டி பொரட்டி எடுக்கறாங்க...என்ற குரலுக்கு தியேட்டரில் குபீர் சத்தம்..

மாஸ்க்கோவின் காவேரி டிரைலர் போட்டர்கள் அவசியம் அந்த படத்தை பார்க்க வேண்டும் அவ்வளவு அற்தமாக டிரைலர் கட் செய்து இருந்தார்கள்...

படம் முடிந்து போகும் போது யாரும் எதுவும் பேசவில்லை... =======================

ராவணன் ...தெரிந்த கதை என்றாலும் அந்த உழைப்புக்காக ஒரு முறை கண்டிப்பாக பார்க்கலாம்...

================

டைரக்டருக்கு கண்டனம்...


ஐஸ் அழுதாலே என் மனசு தாங்காது...இதுல அந்த பொண்ணை போட்டு இப்படி காட்டுலயும் மேட்டுலயும் புரட்டி எடுத்து இருக்கிங்களே....இது நியாயமா? முக்கியமா அந்த பள்ளத்துல இருக்கும் ஜஸ் தப்பிக்கவிழுதை பிடித்துக்கொண்டு மேலே ஏற முயற்ச்சிக்க... விழுது அறுத்துக்கொண்டதும் அதில் அப்படியே தொபக்கடீர்னு விழுந்து விட்டு.... பாறை பிடிப்புகளை மட்டும் பிடித்து தனியாக ஏறும் அந்த காட்சியில் நான் அப்படியே பதறிபோயிட்டேன்...ஏதோ நம்ம வாலிப பசங்க டயர்டா தூங்க அந்த புள்ளயும் ஒரு காரணம் அப்படின்றதை மறந்துடாதிங்க..... நீங்க எல்லாம் கண்டனம்னு ஏதேதோ நினைச்சிகிட்டு வந்தா நானா பொறுப்பு......


அன்புடன்
ஜாக்கிசேகர்

நாலு பேர் படிக்க ஓட்டு போடுவது முக்கியம் அமைச்சரே....

குறிப்பு...
நேற்று காலையே படம் பார்த்து விட்டேன்... எழுதி இன்னும் கொஞ்சம் முடிச்சிடலாம்னு நினைச்சு... இன்னைக்கு காலை ஏங்க ஏரியாவில கரண்ட் கட்...அதான் இவ்வளவு லேட்.. இது கூட நண்பரின் வீட்டில் இருந்து வலையேற்றுகின்றேன்....பிழைகள் இருந்தால் பொறுத்தருள்க...