கும்பகோணம்.

எப்படி வெகு நாட்களுக்கு பிறகு திருச்சி  சென்றேனோ? அது போலத்தான் கும்பகோணமும்..

சில வருடங்களுக்கு முன் திருநாகேஸ்வரத்தில் நடந்த  என் மனைவியின் அத்தை பையயனுக்கு பூனுல் போடும் விழாவுக்கு சென்றேன்.. அதன் பிறகு இப்போதுதான் போனேன்..

தடுக்கி விழுந்தா கோவில் வாசலில்தான் விழ வேண்டி இருக்கின்றது.. அவ்வளவு  கோவில்கள்.. இவ்வளவு கோவில்கள் பத்தாது என்று  ரோட்டின் நடுவில் கூட கோவில்கள் இருக்கின்றன..

நிறைய கோவில்களின் குளங்கள்  குப்பை கொட்டும் இடமாக மாறி காட்சி அளிக்கின்றன... நாம்  எந்த அளவுக்கு பழமையானவர்களோ  அந்த அளவுக்கு பழமையை நாஸ்தி  செய்ய நம்ம ஆட்களை போல யாராலும்முடியாது..ஒரு  காலத்தில் அந்த குளங்களின் படித்துறையை எத்தனை பேர் பயண்படுத்தி இருப்பார்கள்... அந்த காலத்தில் கும்பகோணத்தில் இருந்தவர்கள் டைம்மெஷினில் வந்தார்கள் என்றால் ஹார்ட் அட்டாக்கே வந்து விடும்...

கார் ஓட்டி வந்த காரணத்தால் உடல் அசதி காரணமாக வெளியே எங்கும் நான் போகவில்லை...  அர்ஜுன் மற்றும் சிவசங்கரன் என இரண்டு பேர் போன் செய்து பேசினார்கள்.. சனிக்கிழமை இரவு என்னை சந்திக்க வருவதாக சொல்லியவர்கள்.. முக்கிய வேலை வந்து விட்டதால் மதுரைக்கு போகின்றோம் மன்னிக்கவும் என்று தகவல் சொல்லிவிட்டு போனார்கள்...

திருச்சி அளவுக்கு பிகர்கள் வறட்சி கும்பகோணத்தில்  இல்லை... அங்கொன்ரும் இங்கொன்ருமாக ஜீன்ஸ்  மற்றும் டீ சர்ட்டுகளை பார்க்க முடிகின்றது.. சில பெண்கள் அசத்தலாய் இருந்தார்கள்..

பழைமையான நகரம் என்பதால் குறுகிய சாலைகள்... அதில் இருபுறமும் இருசக்கர வாகனங்கள்... அதில் பேருந்து சென்று வருகின்றது.. உலகத்தில் சிறப்பாக ஓட்டுனர் விருது வழங்க யாராவது உத்தேசித்தால் அதை கும்பகோணம் மற்றும் மாயவரம் பகுதியில் பேருந்து ஓட்டும் ஓட்டுனர்களுக்கு கொடுக்கலாம்...

திருநாகேஸ்வரம் உப்பிலி அப்பன் கோவிலுக்கு  போகும் ஒழக்கு வழியில் அவ்வளவு பெரிய பேருந்தை வளைத்து திருப்பி வெளியே எடுத்து வருவது சாதாரண விஷயம் இல்லை.இரு பக்கமும் இருசக்கர வாகனங்கள் வேறு.... அப்படியே காரை நடு  ரோட்டில் நிறுத்தி விட்டு பர்சேஸ் செய்யும் மேல்தட்டு வர்கம்... இதையும் மீறி பயணிகளுடன் உள்ளே நுழைந்து வெளியே வரும் பேருந்தை இயக்கும் கும்பகோண பகுதி பேருந்து ஓட்டுனர்கள் திறமையானவர்கள்..

அரசு ஜுவல்லர்ஸ் கும்பகோணத்தின் பெரிய நகைகடை என்ற நினைக்கின்றேன். நிறைய இடத்தில் விளம்பரத்தை காண முடிகின்றது. நிறைய இடங்களில் பார்க்கிங் போர்டு விளம்பரத்துக்கு அதிகம் செலவிட்டு இருக்கின்றார்கள்...

சில இடங்களில்  வெள்ளி சனி ஞாயிறு... சில இடங்களில்  திங்கள்  செவ்வாய் புதன் ஆகிய நாட்களில் மட்டும் மாலை நேரத்தில்  நிறுத்த வேண்டிய இடங்களை குறிப்பிட்டு இருக்கின்றார்கள்....

18ஆம் நூற்றாண்டில் தொழில்  தொடங்கிய பல நிறுவணங்களின் பழைய கட்டிடங்களை காண முடிகின்றது...

பெரிய ஓட்டல்களில் விட்டு விடுங்கள் கும்பகோணத்தில், சின்ன சின்ன ஓட்டல்களில் டிபன் சாப்பிடும் போது சாப்பிட்ட இலையை எடுத்து போட வேண்டும் என்று சொல்லுகின்றார்கள்.. சாப்பிட்டு விட்டு எழுந்து இருக்கும் போதே சொல்லாமல்  கை கழுவி வாய் துடைத்து பில் எவ்வளவு என்று பர்ஸ் பிரிக்கும் போது, சாப்பிட்ட இலையை எடுக்க சொல்கின்றார்கள்....

நான் சாப்பிட்ட இலையை எடுக்க எந்த பிரச்சனையும்  இல்லை ஆனால் சாப்பிட்ட இலையை எடுக்கவும் என்று போர்டு வைத்தால் நான் எடுத்து போட்டு இருப்பேன் என்று சொன்னேன்... பதினைந்து வருசமா எழுதாமதான் இருக்கோம்... எல்லாரும் எடுத்து போட்டுட்டு போறாங்க.. நீங்க தான் கேள்வி கேட்கறிங்க..? என்றார்..  நான் சொன்னேன் பதினைந்து வருசம் கடை நடத்தற நீ எதுக்கு விலைபட்டியல் எழுதி வச்சி இருக்கே என்றேன்.. வரவன் அத்தனை பேரும் சாப்பிட்டு விட்டு நினைச்ச காசை குடுத்திட்டு போயிட்டான்னா?? அதுக்குதானே எழுதி வைக்கற....கும்பகோணத்துகாரனுக்கு தெரியும் உன் ஓட்டலில் சாப்பிட்ட எடுத்து போடனும்னு எனக்கு எப்படி தெரியும்??  நான் வெளியூர் எனக்கு எப்படி தெரியும்...  சாப்பிட்ட இலையை எடுக்கவும் எழுதி இருந்தா எடுத்து போட்டு விட போறேன் என்றேன்... அவர் கடைசி வரைக்கும்  ஒத்துக்கவேயில்லை...அதனால் நான் இலையை எடுக்கவேயில்லை...

 கும்பகோணம் மடத்து வீதியில் முருகன் கபே  கடைக்கு எதிரில் விக்னேஷ்வர் சலூன் இருக்கின்றது... அந்த கடை சிகை திருத்தும் நண்பரின் பெயர் முகிலன்.... ஷேவ் பண்ண சொன்னேன்... சன்சே இல்லை...அப்படி ஒரு வேலைக்காரனை நான் பார்த்ததே இல்லை எப்படியும்... ஒரு 50ரூபாய் ஷேவ் செய்ய கேட்பார் என்று நினைத்து இருந்தேன்... பட் இருபது ரூபாய்கேட்டார்... அவரின் தொழில் டெடிகேஷனுக்கு கூடுதலாக இருபது ரூபாய் கொடுத்தேன்... காசி இண்டர்நேஷனலில்தான் ரூம்.. பக்கத்தில் காசிதியேட்டர்... அந்த தியேட்டரில் மர்டர் பார்ட் டூ ஓடிக்கொண்டு இருந்தது..

கும்பகோணத்தில் எந்த கோவிலுக்கும் நான் போகவில்லை....வேறு ஒருநாளில் போய்க்கொள்வோம்..

பிரியங்களுடன்

ஜாக்கிசேகர்..

(FOR THE WORLD YOU MIGHT BE JUST A PERSON, BUT FOR SOME PERSON YOU ARE THE WORLD)

EVER YOURS...