இனிதே நிறைவு பெற்ற 7வது சென்னை உலக படவிழா 2009

சென்னையில் பத்து நாட்கள் நடந்த உலக படவிழா கிருஸ்மஸ்க்கு முன் தினமான 24ம் தேதியோடு இனிதே நிறைவு பெற்றது....நான் ஒரு நாளைக்கு 5 படம் என்று 50 படம் பார்த்து இருக்க வேண்டும்... ஆனால் படபிடிப்பு எல்லாம் இருந்த காரணத்தால் என்னால் தொடர்ச்சியாக கலந்து கொள்ள முடியவில்லை...

இருப்பினும் வருனபகவான் மழை பெய்ய வைத்து பல நாட்கள் ஷுட்டிங் கேன்சல் ஆக நான் சென்னை படவிழாவில் கலந்து கொண்டேன்... எப்படியும் ஒரு 25 படமாவது பார்த்து இருப்பேன்....

ஒவ்வொறு உலக படவிழாவிலும் தினமும் நெஞ்சை தொடும் படங்கள் ஒரு நாளைக்கு ஒன்றாவது கிடைக்கும்.. இந்த முறை இரண்டு நாட்களுக்கு ஒரு முறை மட்டுமே அப்படி ஒரு பீலிங் மனதிற்க்கு கிடைத்தது...

இந்த விழாவில் பல கணவன் மனைவிகள் ஜோடி ஜோடியாக கலந்து கொண்டார்கள்... நான் போன 5ம் உலக படவிழாவுக்கு மட்டுமே என் மனைவியை அழைத்து போய் இருக்கின்றேன்...லீவ் இல்லாத காரணத்தால் போன முறையும் இந்த முறையும் மிஸ்சிங்...


இரண்டு ஜோடிகள் தொடர்ந்து ஒருபடத்தை கூட மிஸ் செய்யாமல் பார்த்தார்கள்... அதில் ஒருவர் டிவி சிரியல்களில் நடித்து வருபவராம்...

இந்த விழாவில் நடுத்தர வயது பெண்களும் கலந்து கொண்டது மனதுக்கு மகி்ழ்வை கொடுத்தது....இந்த வருடம் படங்களில் தி அதர் பேங்க என்ற ஜீயோர்ஜியா நாட்டு படமும்...அன்ட்டி கிரைஸ்ட் என்ற டென் மார்க் படமும் மிக பெரிய அதிர்வலைகளை ஏற்படுத்தியது.. அதிலும் அன்ட்டி கிரைஸ்ட் படம் பெரிய அதிர்வலைகைளையும் வியப்பையும் முக்கியமாக பெண்களுக்கு ஏற்படுத்தியது.... ஆண்களே அதிர்ந்து போன போது பெண்கள் எம்மாத்திரம்.. விரைவில் நேரம் கிடைக்கும் போது அந்த படத்தின் விமர்சனம்....

இந்த விழாவில் தமிழ் படங்களுக்கான போட்டியில் அச்சமுண்டு அச்சமுண்டு என்ற பிரசன்னா நடித்த படத்துக்கு சிறந்த படத்துக்கான விருது கிடைத்தது...சிறந்த ஒளிப்பதிவுக்கு பொக்கிஷம் படத்தின் கேமரா மேன்... ராஜேஷ்யாதவ்க்கு கிடைத்துது... பசங்க பாண்டி ராஜீக்கும்,இயக்குனர் சிவக்குமாருக்கும் வெவ்வேறு கேட்டகிரியில் பரிசுகள் கிடைத்து... பசங்க படத்துக்கு சிறந்து படம் விருது கிடைக்காது போனதுக்கு ரசிகர்களிடையே பேச்சில் கோபம் காணப்பட்டது...



இறுதி நாள் விழாவில் சுஹாசினி மணிரத்னம் பேசும் போது...அவர் எப்படி பிலி்ம் இண்ஸ்ட்டியுட் மற்றும் திரைபடதுறைக்கு வந்த கதையை பகிர்ந்து கொண்டார்... இயக்குனர் பி. வாசு பேசுகையில் தமது தாமதமான வருகைக்கு மன்னிப்பு கேட்டு கொண்டதுடன்... எனது படபிடிப்புக்கு லேட்டாக வந்தால்.. அது 4 மணிக்கு எழுந்து கிளம்பும் கடைநிலை ஊழியனின் மனைவி வரையில் பாதிக்கும் என்று சொன்னார்...


விழாவில் நடிகையும் இயக்குனருமான ரேவதி பேசுகையில் கோவா படவிழா ஒரு பேண்டசி படவிழா... திருவனந்தபுரமும், கொல்கத்தாவிலும் நடக்கும் படவிழாக்களில் ரசிகர்கள் வெறியோடு படம் பார்ப்பார்கள்... ஆனால் சென்னை இப்போதுதான் சற்று வளர்ந்து வருகின்றது...

நிர்வாண காட்சிகள் திரையில் வரும் போது ஏன் தியேட்டரில் சல சலப்பு ஏற்படுகின்றது? ஏன் விசில் எல்லாம் அடிக்கின்றீர்கள்... ?அந்த நிலை சென்னை ரசிகர்களிடம் மாறவேண்டும்...நிர்வாணத்தையும் கலையாக பார்க்க வேண்டும் என்று கேட்டு கொண்டார்..

இந்த விழாவில் ஆண்டு தோறும் தொடர்ச்சியாக பங்கு கொள்ளும் பிரபலங்கள் இயக்குனர் சந்தான பாரதி..., நடிகை பாத்திமா பாபு, நடிகை சீ ஆர் சரஸ்வதி, நடிகர் ரமேஷ் கண்ணா போண்றவர்களை சொல்லலாம்.. ஆனால் இந்த முறை இயக்குனர் சந்தான பாரதி மிஸ்சிங்....

இந்த முறை சென்னை உட்லண்ட்ஸ்தியேட்டர் கொஞ்சம் சுத்தமாக வைத்து இருந்தார்கள்... மிக முக்கியமாக திரையை பெயிண்ட் அடித்து எந்த அழுக்கும் இல்லாமல் வெள்ளை வெளேர் என ஜொலித்து....

இந்த முறை சென்னை உட்லண்ட்ஸ் தியேட்டரில் பார்க்கிங் கட்டணம் வாங்க வில்லை.. அதற்கு ஏற்பாடு செய்த சென்னை உலகபடவிழா இந்தோ சினி அப்பிரிசேஷன் நிர்வாகிகளுக்கு என் நன்றிகள்..


கடைசி நாளின் போது சினிமா ஆர்வலர்கள் பிரியா விடை கொடுத்து பிரிந்து போனார்கள்....

இந்த உலக படழாவில் நான் பார்த்த காமெடி...அவர் ஒரு அரசியல்வாதி..எப்படியோ அவருக்கு இரண்டு பாஸ் கிடைக்க... அவளது செல்ல வயதுக்கு வந்த மகளை அழைத்து வந்தார்...இதுதான் உலக படவிழா, பல நாட்டு திரைபடங்கள் திரையிட படும் என்று பில்டப் விட்டுக்கொண்டு இருந்தார்...அவருக்கு இதற்கு முன் இது போலான பெஸ்ட்டிவலில் கலந்து கொண்ட அனுபவம் இல்லை என்பது அவரது பேச்சிலேயே தெரிந்து... படம் ஆரம்பித்து இரண்டு நிமிடத்தில் ஒரு உடலுறவு காட்சி திரையில் வர அவருக்கு என்ன செய்வதென்றே தெரியவில்லை .. மகளை அழைத்து கொண்டு தெரித்து ஓடிவிட்டார்...


அன்புடன்
ஜாக்கிசேகர்
தமிழ் மணத்திலும் தமிலிஷ்லும் ஓட்டு போட மறவாதீர்கள்.... இந்த தளத்தின் சிறப்பான,உலகசினிமா,உள்ளுர் சினிமா, பார்த்தே தீர வேண்டிய படங்களையும், பார்க்க வேண்டிய படங்களையும், மற்றும் டைம்பாஸ் படங்களையும், சினிமா சுவாரஸ்யங்கள் தொடரையும்,மற்றவர்களுக்கு அறிமுகப்படுத்துங்கள்
நன்றி.....