கனவுகளை நசுக்கும் கனரக வாகன ஓட்டுனர்கள்...

தமிழகத்தில் நடக்கும் பெரும்பாலான வாகன விபத்துக்களுக்கு லாரி ஓட்டுனர்களும் ஒரு காரணம் என்று ஏற்கனவே சொல்லி இருந்தேன்... அதை பற்றி தமிழக முதல்வருக்கு ஒரு கடிதம் எழுதி இருந்தேன்... அதனை நமது வாசக நண்பர் ராஜ்குமார்.. துணை முதல்வர் ஸ்டாலின் அவர்கள் தளத்தில் அந்த கடிதத்தை இணைத்தார்....

நேற்று தமிழகத்தில் நடந்த பல்வேறு சாலைவிபத்துகளில் பலபேர் உயிரிழந்தார்கள்.. அதில் ஒரு முன்னாள் நாடுளுமன்ற உறுப்பினரும் ஒருவர்...சாலைவிபத்துகளில் உயிரிழப்பு என்பது தினமும் ஒரு செய்தியாக பத்திரிக்கையில் தொடரும் செய்தியாக உள்ளது...

இதில் லாரி ஓட்டுபவர்களை மட்டுமே குற்றம் சொல்ல முடியாது.. ஆனால் பெரும்பாலான விபத்துகளை பார்க்கும் போது அவர்கள் பெயர்தான் முன்னனியில் இருக்கின்றது... பெரும்பாலான விபத்துக்கள் பக்கவாட்டு ரோட்டில் இருந்து மெயின் ரோட்டுக்கு வரும் வாகனங்கள் சட்டென உள்ளே நுழைவதாலே பெரிய விபத்துக்கள் ஏற்படுகின்றன...

உதாரணத்துக்கு திருச்சி சாலையில் ஒரு வாரத்துக்கு முன் 100கீலோமீட்டர் வேகத்தில் வந்த ஒரு கார்... சட்டென கிளைச்சாலையில் இருந்து ஒரு லாரிஉள்ளே வர இதை சற்றும் எதிர்பார்க்காத வாகன ஓட்டி நிலைதடுமாறி பிரேக் அடிக்க வண்டி கவி்ழ்ந்து ஸ்தலத்துலேயே 4 பேர் மாண்டு போயினர்....

பெங்களுர் சாலையில் பயணபடும் போது கிருஷ்ணகிரி டூ ஓசூர் சாலையில் மலைகளை குடைந்து சாலைகள் அமைத்து இருப்பார்கள்... அதில் மலை மீது கனரகவாகனஙக்ள் முக்கி முனறி ஏறிக்கொண்டு இருக்கும்.. ஆங்கிலத்திலும் தமிழிலும் அறிவிப்பு செய்து இருப்பார்கள்... கனரக வாகனங்கள் இடதுபுறம் சாலையை ஒட்டி செல்லவும் என்று... ஆனால் நீங்கள் அந்த சாலையில் பயணத்தால் எந்த லாரியும் அதனை கேட்காது... எல்லா லாரியும் பயங்கர லோடுடன் வலது புறம் சென்று கொண்டு இருக்கும்...ஒரு லாரி இடது புறம் சென்று கொண்டு இருக்கும் பின்வரும் இலகுரக வாகனங்கள் வழி கிடைக்காது தினறிக்கொண்டு இருக்கும்....


சென்னை தனியார் சப்ட்வேர் கம்பெனி என்ஜினியர் மணிமேகலை (வயது 21) இவர் நெய்வேலியை சேர்ந்தவர்..அருண் (வயது 26)இவரும் சென்னையில் சாப்ட்வேர் என்ஜினியர்.. இவர் காஞ்சிபுரத்தை சேர்ந்தவர் இருவருக்கும் கடந்து இந்த ஏப்ரல் மாதம் 18ம் தேதி ஞாயிறு திருச்செந்துரில் திருமணம் நடைபெற்றது... இவர்களது திருமணவரவேற்ப்பு வரும் 28ம் தேதி புதன்கிழமை சென்னையில் நடைபெற இருந்தது... இப்போது அருணும் மணிமேகலையும் இப்போது உயிரோடு இல்லை....

இருவரும் திருமணம் முடிந்த 3வது நாள்நெய்வேலி மாமனார் வீட்டில் விருந்து சாப்பிட்டு விட்டு மணமக்கள் இருவரும் கொடைகாணலில் தேனிலவு கொண்டாட காரில் செல்ல முடிவு எடுத்தனர்... தனது குடும்ப நண்பர் தம்பதிகள் இருவருடன் காரில் கொடைக்கானல் நோக்கி பயணபட்டனர்.. முன் சீட்டில் உட்கார்ந்த தன் இளம் மனைவியோடு காரில் சந்தோஷத்துடன் போக திட்டக்குடி அருகே முன்னே சென்ற லாரி டிரைவர் தண்ணீர் குடிக்க சட்டென எந்த எச்சரிக்கையும் இல்லாமல் நடு ரோட்டில் பிரேக் போட்டு லாரியை நிறுத்த இந்த திடிர் நிகழ்வில் ஏதும் செய்யமுடியாத கார் லாரியின் பின் மோத கனவுகளுடன் பயணபட்ட அந்த புது பெண் சடுதியில் துடிக்க இறந்து போக.. புது மாப்பிள்ளை அருண் மருத்துவமனையில் சிகிச்சை பலனின்றி இறந்து போனார்... பின் சிட்டில் உட்கார்ந்து இருந்த இருவர் மேல் சிகிச்சைக்காக திருச்சியில் மருத்துமனையில் சேர்க்கபட்டதாக பத்திரிக்கை செய்தி சொல்கின்றது... ஆனால் கடந்த சனிக்கிழமை நான் உளுந்தூர் பேட்டை போய்வரும் போது பேருந்தில் வந்த டிரைவர் ஒருவர் திருச்சியில் சேர்த்த தம்பதிகளில் ஒருவர் உயிர் இழந்து விட்டதாக சொன்ன போது... ரொம்பவும் மனதுக்கு கஷ்டமாக இருந்தது.....

யோசித்து பாருங்கள்.. ஒரு டிரைவர் அலட்சியம்... ஒரு மணமக்களின் உயிரை அல்பாயுசுவில் போக வைத்துவிட்டது... ஒரு பெண்ணை வளர்த்து அந்த பெண்ணை நோய் நொடிகளில் இருந்து காத்து... அந்த பெண்ணை நல்ல பள்ளியில் சேர்க்கவைத்து,அவளது சிறு சிறு சந்தோஷங்களை நிவர்த்தி செய்து...அவளை கல்லூரியில் சேர்த்து... அவளுக்கு சென்னையில் வேலை கிடைத்த போதும் அந்த குடும்பம் எவ்வளவு மகிழ்ந்து போய் இருக்கும்....ஒரு முறைக்கு பல முறை மணமகன் குறித்து விசாரித்து...சம்பந்தி வீட்டார் மனம் கோனாமல் எல்லாவற்றையும் செய்து கொடுத்து.... ஒரு திருமணத்தை நடத்தி முடிப்பது என்பது சாதாரணவிஷயமா?


மணமக்களை விருந்துக்கு அழைத்து காலையில் புது மாப்பிள்ளைக்கு வாய்க்கு ருசியாய் சமைத்து போட்ட அந்த மணமகளின் பெற்றோரின் வேதனை சொல்லில் அடங்கா...... காலையில் டிபன் சாப்பிட்டு விட்டு போன மணமக்கள் 11,30 மணிக்கு விபத்தில் இறந்துவிட்டர்கள் என்றால் எப்படி ஏற்றுக்கொள்ளமுடியும்...

தோழிகள், உறவினர்கள் கேள்விக்கு வெட்கத்தால் பதில் சொன்ன அந்த மணிமேகலை என்ற 21வயது இளம்பெண் கட்டிய கணவனின் அருகாமை கிடைக்கும் முன்னே உடல்சிதைந்து இறந்து போனாள்....

புதுமனைவி அருகமை ,உலகம் , அரசியல்,பிடித்த நடிகர்,வேலை பளு எல்லாம் ஆழ்ந்து கேட்கும் முன்னே அருணின் உயிர் மருத்துவமனையில் பிரிந்து விட்டது...

புதுமணதம்பதிகளுக்கு பேச்சு துணைக்கா காரில் பின்புறம் உட்கார்ந்து சென்ற தம்பதிகளில் இரண்டு பேரில் ஒருவர் இறந்துவிட்டார்... அந்த தம்பதிகளுக்கு எத்தனை குழந்தைகளோ அவர்கள் என்னவானார்கள் .. எப்படி இந்த இடியை தாங்கி இருப்பார்கள்....

யோசித்து பாருங்கள் ஒரு லாரி டிரைவரின் கவனக்குறைவு பலரின் கனவுகள் கொடுரமாக நசுக்கபட்டுவிட்டன....
பொதுவாக லாரி டிரைவர் என்று சொல்வதை நான் மறுக்கின்றேன்... எல்லாவிபத்துக்களுக்கும் அவர்ககாரணம் என்று சொல்ல முடியாது.. ஆனால் அலட்சியம் அவர்களிடத்தில் அதிகம் என்று சொல்ல வருகின்றேன்...

ரோட்டில் போகும் போது கொஞ்சம் பெரிய வண்டி ஏதாவது எதிரில் வந்தால் மட்டுமே அவர்கள் பயபடுவார்கள்... சின்ன வண்டிகள் போனால் அதை கால் தூசிக்கு கூட மதிக்கமாட்டர்கள்....சைடில் ஒதுங்க இடம் இல்லை என்றாலும் நன்றாக ஏறி வருவார்கள்... எனக்கு அவ்வப்போது ஒரு ஆசைவரும்...டிரான்ஸ்பார்மர் படத்தில் வருவது போல் ஒரு சின்ன காரக போய்கொண்டு இருக்கும் போது... இது போல் அலட்சியமாக ஏறிவரும் கனரகவாகனங்கள் எதிரில் போனதும் அந்த வாகனத்தை விட டீராண்ஸ்பார்மர் படத்தில் மாறுவது போல் பாங் என்று மாறி சின்ன வண்டிதானே என்று ரொம்ப அலட்சியமாக வரும் டிரைவரின் வடியறு கலக்கி “பீ ” கைட்டிக்க வைக்க வேண்டும் என்பது என் ஆசை...

அதே போல் வாகன விபத்துகளில் முதலில் தகவல் சொல்லியும் உதவிக்கு வருவதம் லாரிகாரர்கள்தான் அதையும் மறுக்க முடியாது... தொடர்விபத்துகளில் ஈடுபடும் கனரக ஓட்டுனர்களின் லைசென்ஸ் கேன்சல் செய்ய வேண்டும்...சாலை ஓரத்தில் கனரக வாகனங்களை நிறுத்த வேண்டும் என்று அறிவிப்பு செய்து அரசுஆனை போட வேண்டும்.....

தினமும் பல்வேறு விபத்துகளை பார்த்தாலும்.. இந்த விபத்து ரொம்பவும் மனதை கஷ்டபடுத்தியது...ஒரு மணமக்களின் கனவுகளின் சிதைய ஒரு டிரைவரின் அலட்சியம் காரணம்...

அந்த லாரி டிரைவருக்கு அதிக படியாக பதினைந்துநாள் சிறை என்றும்.... அபராதம் என்றும் விதிப்பார்கள்...வெளியில் வந்து வழக்கமான டிரைவர் பணி செய்ய போய்விடுவார்... யாருக்கு தெரியும் இன்னு்ம் ஒருவாரத்தில் அவரே கூட வேறு ஒரு பெரிய விபத்துக்கு வழி வகுத்தாலும் வகுக்கலாம்...நமக்கு என்ன தெரிய போகின்றது.....

நாம் என்ன முதல்வன் படத்து அர்ஜுன் போல் ஒரு நாள் முதல்வரா? சட்டம் போட்டு உடனே அமுல்படுத்துவதற்க்கு...சரி இந்தனை விபத்துகள் நடந்து கொண்டே இருக்கின்றது...முதல்வரும் அரசு அதிகாரிகளும் என்ன செய்து கொண்டு இருக்கின்றார்கள்... நெடுஞ்சாலைதுறையும், போக்குவரத்துகாவல் துறை என்ன செய்து கொண்டு இருக்கின்றார்கள்...

முதல்வருக்கு ஒரு வேண்டுகோள்... தனியாக ஒரு கலெக்டரை இந்த தொடர் சாலை விபத்து விஷயத்தில் நியமித்து...விபத்து் ஏற்படும் பிரச்சனைளை அக்குவேறுஆணிவேறாக அலசி ஆராய்ந்து கடுமையான சட்டங்கள் போட்டு உங்கள் இடையறாது எழுத்து பணிக்கு நடுவே இந்த வேலையை செய்ய வேண்டுகின்றேன்...

அன்புடன்
ஜாக்கிசேகர்...

இந்த பதிவு பிடித்து இருந்தால் ஒட்டு போட்டு பெருவாரியான வாசகர்களிடம் இந்த செய்தி சென்று சேர உதவுங்கள்...