முதல்வருக்கோ அல்லது ஸ்டாலின் அவர்களுக்கோ ஒரு கடிதம்....

அன்பின் முதல்வருக்கும் துணை முதல்வருக்கும் வணக்கம்... முதல்வருக்கு மட்டும் இதுவரை நான் ஒரு கடிதம் எழுதி இருக்கின்றேன்...துணைமுதல்வரான உங்களுக்கு இதுவரை நான் எந்த கடிதமும் எழுதியதில்லை... இப்போது இந்த பிளாக் வாய்ப்பு இருப்பதால் இதனை எழுதுகின்றேன்... நிற்க...

முதல்வரான உங்களுக்கு மட்டுமே இந்த கடிதத்தை எழுத நினைத்தேன்... ஆனால் பெரம்பூர் பாலம் திறப்பு விழாவில் எனக்கு துணையாக துணை முதல்வர் இருக்கின்றார் என்று சொன்ன காரணத்தால் அவரையும் இதில் சேர்த்துக்கொண்டு உள்ளேன்....

நீங்கள் ஒரு இடத்தில் இருந்து மற்ற இடத்திற்க்கு எப்படி பயணப்படுகின்றீர்கள் என்று தெரியுமா?

உதாரணமாக நீங்கள் இரவு 8 மணிக்கு போரூரில் இருந்து கிண்டி செல்வதாக வைத்துக்கொள்வோம்.... கிண்டி பட் ரோடு அருகே ஒரு இன்ஸ்பெக்டர் சாலைகளில் முதலில் யாரும் நிற்க்காமல் பார்த்துக்கொள்கின்றார்....கையில் இருக்கும் வாக்கி டாக்கியில் நொடிக்கு நொடி உங்கள் வருகை மற்றும் அசைவுகள் அவருக்கு தெரிவிக்கபடுகின்றது... அவர் அதற்க்குள் இங்கு கூடுமானவரை டிராபிக் இல்லாமல் பார்த்துக்கொள்கின்றார்...

இந்த டூவீலர் யாருடையது...
என்னுதுங்க
எதுக்கு இங்க நிக்கற...???
என் அக்காவுக்கு வெயிட்டிங்...
வண்டிய தூக்கி ஓரம் போடு.....

ஹேய் ஷேர் ஆட்டோ...
அப்படியே ஓரம் கட்டு

ஏய் லாரி அப்படியே ஓரம் கட்டு... லைட்டை ஆப் செய்....

மாநகர பேருந்துகளுக்கும் இதே நிலைதான்,, அவர்களும் ஓரம் கட்ட பட்டு முன் விளக்கை ஆப் செய்து இருக்க வேண்டும்....

சைக்கிளில் செல்பவர் நடப்பவர் உட்பட எல்லோரம் ஓரம்கட்ட பட்டு இருக்க....
பைக்கில் இருந்து கிளைசாலையில் மெயின் ரோட்டுக்கு வரும் எதுவும் தெரியாத வாகன ஓட்டி, நீங்கள் வருவது தெரியாமல் சட்டென உள்ளே புகுந்தால் அவ்வளவுதான்...

....கோத்தா துரைக்கு அப்படி என்ன அவசரம்...
எங்க போய் கையெழுத்து போடபோறிங்க? எல்லாரும் நிக்கறாங்க இல்லை... உனக்கு ஸ்பெஷலா சொல்லனுமா? என்று அதே இன்ஸ்பெக்டர் திட்டுவார்....

நீங்கள் பட் ரோடு கடக்கும் வரை அதாவது அந்த இன்ஸ்பெக்டர் இடத்தை கடக்கும் வரை அவர் செல்போனிலும் வாக்கி டாக்கியிலும் வியற்வையோடு பேசி டென்ஷனோடு டிராபிக் கிளியர் பண்ணி வைக்க
அப்போது உங்கள் வாகனம் சென்னை டிரேட் சென்டரை தாண்டி இருக்கும்....

ஊர்ல ஒரு பழ மொழி சொல்லுவாங்க... ஆறு அங்க இருக்கும் போதே அவுத்துக்கனானாம் கோமனத்தை என்று சொல்லுவார்கள்.... அது போலவே அந்த இன்ஸ்பெக்டர் அவர் வேலையை செய்து கொண்டு இருப்பார்....சில நிமிடத்தில் இரண்டு வாகனங்களில் போலிஸ்காரர்க்ள சிகப்பு விளக்கு சுற்றும் வாகனத்தில் பாதி உடம்பை வெளியே வைத்தபடி மணிக்கு எழுபது கிலோமீட்டர் வேகத்தில் யாருமற்ற ரோட்டில் சீறி பாய...உங்கள் வாகனம் எளிதில் எந்த வித தடையும் அல்லது எந்த வித விபத்தும் இல்லாமல் எளிதில் கடந்து விடும்... இருந்தாலும் கடந்த ஆட்சியை கம்பேர் செய்யும் போது ஒரு சில நிமிடங்களில் டிராபிக் கிளியர் ஆகிவிடுகின்றது.... என்பது குறிப்பிட பட வேண்டிய விஷயம்...
நீங்கள் மக்களின் பிரதிநிதி உங்களுக்கு ஆயிரம் வேலை இருக்கும்... அதனால் நாங்கள் சில நிமிடங்கள் நின்று செல்ல எந்த பிரச்சனையும் இல்லை.. அதே போலதான் நீங்கள் விமானம் மூலம் செல்வதாக இருந்தாலும் அடிக்கு ஒரு போலி்ஸ் நின்று உங்கள் வாகனத்தை டிராபிக் மற்றும் பலவிஷயங்களில் இருந்து உங்கள் வீட்டில் இருந்து ஏர் போர்ட் வரை காப்பாற்றுகின்றது....

ஆனால் தமிழகத்தில் சாமானியவர்கள் செல்லும் பயணம் அவ்வளவு சேப்டி இல்லை என்பது நீங்கள் தினசரி செய்திதாளை வாசிப்பதால் உங்களுக்கு தெரிந்து இருக்கும்... பெரும்பாலும் விபத்துகள் இரவில்தான் நடக்கின்றன...

சாலை விபத்துகளில் பல உயிரிழப்புகள் தமிழகத்தில் அதிகம்...அதற்க்காக சாலைபாதுகாப்பு வாரம் எல்லாம் சமீபத்தில்தான் நடத்தினீர்கள்.... நீங்கள் நெடுஞ்சாலைகளில் வெகுதூரம் காரில் பயணம் செய்ய வாய்ப்பு இருக்காது அப்படியே இருந்தாலும் உங்களுக்கு போக்குவரத்து போலிசார் சாலைகளில் நிற்க்கும் வாகனங்களை ஒரத்தில் விட சொல்லி இருப்பார்கள்... உங்கள் காரும் அந்த இடத்தை இலகுவாக கடக்கும்....

போன மாதம் சென்னை கிழக்க கடற்கரை சாலையில் ஒரு அரசு விரைவு பேருந்து பிரேக்டவுன் ஆகி இருந்தது... காரணம் என்ன தெரியுமா ? சொன்னால் சி்ரிப்பொலி சேனல் போல் சிரிப்பீர்கள்... அந்த பேருந்தில் டீசல் இல்லை ...இன்னொரு கூத்து என்ன தெரியுமா? அந்த பேருந்தில் நடத்துனரும் இல்லை... இந்த லட்சனத்தில் அந்த பேருந்து கும்பகோணம் போய் சேர வேண்டும்....


டிரைவர் டீசல் வாங்க புறப்பட...புழுக்கம் காரணமாக பேருந்தின் முன் பக்கம் பயணிகள் காற்று வாங்க இறங்கி நின்று கொண்டு இருக்க... வேகமாக வந்த லாரி நின்று கொண்டு இருந்த பேருந்தின் பின் புறத்தில் மோத , இளைப்பாறியவர்களில் குழந்கைள் பெண்கள் உட்பட ஆறு பேர் ஸ்தலத்துலேயே நிரந்தரமாக இளைப்பாறினார்கள்....

காரணம் ரொம்ப சிம்பிள்.... அது ஒரு பழைய ஓட்டை பஸ்... அதுக்கு பிரேக்டவுனான ஆம்னி பேருந்துகள் போல இரண்டு பக்கமும் மினுக் மினுக் லைட் இல்லாததும், பேருந்தின் பின் புறம் ரிப்ளெக்டர் ஸ்டிக்கர் இல்லாததும்தான் காரணமாக கூட இருக்கலாம்...

லாரிக்கு பேருந்து நின்று இருக்கின்றதா? அல்லது போகின்றதா என்று தெரியவில்லை... அது பிரேக்டவுன் பற்றி எந்த அறிவிப்பும் பேருந்தின் பின்பக்கம் இல்லை.... அதனால் இந்த மோதல்....

சரி இந்த லாரிகள் செய்யும் கொட்டம் கொஞ்சம் நஞ்சமல்ல... டீ குடிக்க வேண்டுமா? நடு ரோட்டில் நிறுத்தி விட்டு டீ குடிப்பார்கள்... சரி தங்க நாற்கர திட்டத்தில் பெங்களுர் செல்லும் சாலைகளில் நீங்கள் ஒன்றை கவனித்து இருக்கின்றார்களா? லாரிகளுக்கு நிறுத்தும் இடம் இருந்தாலும் அங்ககே நிறுத்துவது இல்லை எல்லாம் சாலையின் ஓரங்களில்தான்..... இரவில் நம்மை யார் கேட்க போகின்றார்கள் என்ற தெனாவெட்டுதான்...

பொதுவாக தமிழகத்தில் நடக்கும் பல கார் விபத்துகளில் நின்று கொண்டு இருந்த லாரி மீது, பேருந்து மீது , வேன் மீது, மோதிய விபத்துகளில் உயிரிழந்தவர்கள் ஏராளம்...


முன்பெல்லாம் மாட்டு வண்டிகளில் ரிப்ளெக்டர் ஸ்டிக்கர் ஒட்ட கட்டாய படுத்த பட்டார்கள்... ஆனால் இப்போது அப்படி இல்லை.... விழுப்புரம் ,கள்ளக்குறிச்சி, கடலூர் பகுதிகளில் சக்கரை அலைகளுக்கு கரும்பு ஏற்றி செல்லும் எந்த மாட்டு வண்டிக்கும், டிராக்டர் டிரைலருக்கும் இரவில் ஒளிரும் சிவப்பு ஸ்டிக்கர்கள் ஒட்டபட்டு இருப்பதில்லை... இரவில் வெகு வேகமாக வரும் வாகன ஓட்டிகள் அருகே வந்துதான்... எதிரில் வாகனம் இருப்பதை அறியும் போதே டமால் சத்தம் ஏற்பட்டு, ஐயோ அம்மா என்று கூக்குரல் கேட்கின்றது...

பேருந்து வாங்கும் போது கம்பெனிகாரன் சிகப்பு ரிப்லெக்டர் ஸ்டிக்கர் எல்லாம் ஒட்டிதான்கொடுக்கின்றான்.. ஆனால் நாம் அது பழசாக நிறம் மங்கும் போது மாற்ற வேண்டும்... அப்படி நம்ம வேலையை ஒழுங்கா செஞ்சிட்ட பருவ மழை சரியா வந்து தமிழகத்து தண்ணி கஷ்டம் சரியாயிடுச்சின்னா? என்ன பன்னறது..

ஸ்டிக்கர் ஒட்ட எவ்வளவு காசு ஆவும்....வாகனங்களில் நம்பர் போர்டுகளுக்கு கிழே மட்டு்மே சிகப்பு கலர் ரிப்லெக்டர் இருந்துச்சு....இப்ப வாகனங்களோட சைடுலயும் ஒட்ட சொல்லி கண்டிப்பான உத்தரவு ஒன்னு போடுங்க...

பெங்களுர்ல பல பேருந்துகளில் இப்ப ஒட்ட ஆரம்பிச்சு இருக்காங்க... அதை எல்லா வாகனத்தையும் செயல் படுத்த உத்தரவு போடுங்க... எந்த வாகனமும் ரோட்டின் ஒரத்தில் நிற்க்க சொல்லி உத்தரவு போடுங்க....

ஆத்துல ஒரு கால் சேத்துல ஒருகால் போல தார் ரோட்டுல பாதி, மண்ரோட்டுல மீதின்னு நிக்கற எந்த வாகனமா இருந்தாலும் போக்குவரத்து போலி்ஸ்கிட்ட சொல்லி அவுங்கிட்ட முடிஞ்ச வரைக்கும் பணத்தை கறக்க சொல்லுங்க.... அவுங்க கறக்கற கறப்புக்கு எந்த வண்டியும் ரோட்டு ஒரத்துலதான் நிறுத்தனம்


அப்படியே ஹெவி லோடோட பிரேக் டவுன் ஆகி ஒரு வாகனம் நின்னா 15 மீட்டர் முன்னாடியே முக்கோண ரிப்ளெக்டர் வச்சி பின்னாடி வரும் வாகனத்துக்கு அறிவிக்க வேண்டும்...

நம்ம பொறுத்தவரை மரத்து கிளைகளை ஒடிச்சி மாரியாத்தா கோவிலுக்கு கூழ் உற்றுவது போல் வைத்து இருப்போம்.... முக்கோண ரிப்லெக்டர் எல்லா வாகனத்துக்கும் ரொம்ப அவசியம்னு உத்தரவு போடுங்க...

சும்மா மிடில்கிளாகிட்ட ஹெல்மேட் போடலையான்னு தொந்தரவு பண்ணறதுக்கு முன்னாடி இதுமாதிரி வேலைகள் எல்லாத்தையும் செஞ்சிட்டு அப்புறம் தனிமனிதன்கிட்ட ஹெல்மெட் ஏன் போடலைன்னு கேள்வி கேளுங்க....

இது போலான விபத்துக்களுக்கு தனிமனித தவறுகளும் தெனாவெட்டும்,அலட்சியமும்தான் தான் முத காரணம்.. அந்த தெனவெட்டை சட்டம் போட்டு குறைங்க.... விபத்துல சிக்கனா லைசென்ஸ் கேன்சல்னு தைரியமா சொல்லுங்க.....
உயிர் என்பது விலைமதிக்க முடியாத ஒன்னு.....

இது யாருக்கோ எவருக்கோ நடந்து விட்டதாக என்னால் போக முடியவில்லை... கண் எதிரில் 3 லட்சம் தமிழர்கள் இறக்கும் போது கை கட்டி வேடிக்கை பார்த்தோம்... அதற்க்கு இறையான்மை என்ற நந்தி ஒன்று குறுக்கே இருந்தது... ஆனால் இது போலான உயிரிழப்புகளில் அதிகம் இருப்பது நம்மவர்கள்... அதுவும் அவர்கள் இந்திய பிரஜைகள்....... அவர்களை காப்பாற்றுவதில் எந்த பிரச்சனையும் உங்களுக்கு இருக்காது என்று எண்ணுகின்றேன்...

எல்லோருக்கும் உயிர் பாதுகாப்பு அளிப்பது உங்கள் கடமை... அதனால்தான் உங்களுக்கு இவ்வளவு பெரிய கடிதம்...
(PUDUKOTTAI: The Transport Department, in co-ordination with non-governmental organisations, police and State Transport Corporation officials, has taken up special measures to paste bull’s eye on the headlights, X-posters on the front glass-panes and fix reflectors at the rear of heavy vehicles in the district. )


மேலே உள்ளது இந்து பத்திரிக்கையில் வந்த செய்தி... அது போலான விஷயங்கள் தமிழ்நாட்டில் ஆங்காங்கே நடந்து கொண்டுதான் இருக்கின்றன... இது போல நல்லது நடக்கும் விஷயங்களுக்கு அரசின் பாராட்டும் ஒத்துழைப்பும் அவசியம் என்பதை மறவாதீர்...

அதே போல் சாலை ஓரத்தில் உள்ள மரங்களுக்கு கருப்பு வெள்ளை பெயிண்ட் அடிச்சி அந்த காலத்துலயே இருக்காதிங்க.. இது போல ரிப்லெக்டர் ஸ்டிக்கரை மரத்துல ஆணியில அடிச்சு உடுங்க.... பாலத்து ஓரம் மற்றும் விபத்து ஏற்படுத்தும் இடங்களில் எல்லாம் இது போல செய்யுங்க...

மேலே உள்ள பத்திரிக்கை செய்தியெல்லாம் கடந்த மூனு மாதத்துல எடுத்த செய்தி சேகரிப்புதான்.... பேப்பரை எடுத்தாலே வாரத்துக்கு நின்ற வாகனத்தின் மீது வந்த வாகனம் மோதல்னு செய்தியை படிச்சிட்டு....

வண்டி ஓட்ற அத்தனை பயலுகளும் கேனை பயல்களா? என்ற கோபத்தில் எழுதியது... ஒரு ரெண்டு பேர் வேணா தூங்கிகிட்டே பின்ன போயி குடுத்து இருப்பான்...எல்லாருமேவா?

கோவத்துல உங்களுக்கு லட்டர் எழுதிகிட்டு இருக்கேன்... யாரோ ஒரு வீட்டின் கனவு விபத்து என்ற பெயரில் நசுக்கபடுகின்றது... அதற்க்கு இந்த அரசு துணை போக கூடாது...

போக்குவரத்து காவல் துறைக்கு ஒன்றை கண்டிப்பான உத்தரவோடு சொல்லுங்கள்...போலிஸ் பேட்ரோல்கார்கள் நெடுஞ்சாலை ஓர புளியமரத்தின் நிழலில் பனியன் அவுத்து போட்டு விட்டு தூங்கும் நேரம் போக, சாலைகளில் நிற்க்கும் எந்த வாகனமாக இருந்தாலும் ஓரமாக நிறுத்த வாகன ஒட்டிகளை மிரட்ட சொல்லுங்கள்.... அவர்களுக்கு அது நன்றாகவே வரும்....

ஒரு வாரத்துக்கு முன்ன கூட போரூர் டோல்கேட்டுகிட்ட நின்னகிட்டு இருந்த லாரிக்கு பின்னால இன்னோரு லாரி மோதிகிட்டு நிக்கற படத்தை எடுத்தேன்.... அதையும் உங்க பார்வைக்கு இணைச்சு இருக்கேன்... அதே போல கடந்த மூனு மாதங்களில் ரவை சலிக்க, சப்பாத்தி போட என உபயோகபடுத்தி மீதமுள்ள பேப்பர்களில் இருந்து எடுத்த விபத்து செய்திகளை ஆதாரத்தோடபோட்டோவா பிடிச்சி போட்டு இருக்கேன்... என் மனைவி ரவயை சலிச்சதும் அந்த பேப்ரையும் சப்பாத்தி போட்டு முடிச்சதும் அந்த பேப்பரையும் குப்பையில போட்டுவா? இன்னும் அது இருந்து இருந்தா? இன்னும் நிறைய விபத்து செய்திகளை உங்களுக்கு கொடுத்து இருப்பேன்... அதேபோல் தொடர்ந்து செய்திதாள் வாங்கற பழக்கமும் என் வீட்டில் இல்லை..

நீங்க ஒரு கண்டிப்பான உத்தரவு போட்டா? பல உயிர்கள் காப்பாற்றபடும்...நான் என்ன சொன்னாலும் ஒரு பய கேட்க போறது இல்லை.. பட் நீங்க சொன்ன கேட்க உள்ளகட்டமைப்பில் செயல்படும் அரசு அதிகாரிகள் இருக்காங்க... அதனாலதான் கடந்த இரண்டு மணி நேரமா கை வலிக்க டைப் அடிக்கிறேன்... இந்திய தீப கர்பத்துலயே சுத்தன பையன் நானு... எனக்கு வெளிநாட்டுல போக்குவரத்து ரூல்ஸ் எப்படிஇருக்கும்னு இந்த பயபுள்ளைக்கு தெரியாது.... தெரிஞ்சா எதாவது உதாரணமாவது காட்டுவேன்... பத்து வருஷமா என் பாஸ்போர்ட் கன்னி பெண்ணாவே கன்னி கழியாமலே காலவதி ஆயிடுச்சி... நீங்க பல நாட்டுக்கு போயிட்டு வந்தவங்க...உங்களுக்கு நிச்சயம் என்னைய விட அதிகம் தெரிஞ்சு இருக்கும்.... அப்படி எதாவது டவுட்டுன்னா? நம்ம மதுரைகார அண்ணன் கூட இப்பதான் வெளிநாடு போயிட்டு வந்தார்.. அவர்கிட்ட கூட நீங்க கேட்டுகிடலாம்... எது எப்படி இருந்தாலும் இந்த சாலை விபத்துக்களுக்கு ஒரு முடிவு கட்டுங்க... ரோடு வேகமா போவ போட்டு்ட்டிங்க.. ஆனா விபத்தை தடுக்க மறந்துட்டிங்க.... எதாவது செய்யுங்க...

எனக்கு தெரியும் முதல்வர் பதவி எவ்வளவு கஷ்டம்னு இருந்தாலும் இருந்தாலும் இந்த வயதில் பதினெட்டு மணி நேரம் உழைக்கும் நீங்கள் இந்த கடிதத்துக்கும் செய்திக்கும் முக்கியத்துவம் கொடுக்க வேண்டுமாய் கேட்டுக்கொள்கின்றேன்...

எவ்வளவோ பார்த்துட்டோம் இதை பார்க்கமாட்டோமா என்பது போல் இருந்து விடாதீர்கள்...108 அம்புலன்ஸ் சேவை அறிமுகபடுத்தி தமிழக மக்களின் உயிர் மீது இந்த அரசுக்கு எவ்வளவு பொறுப்பு இருக்கின்றது என்பதை உணர்த்தினீர்கள்.. கலைஞர் உயிர் காக்கும் காப்பிட்டு திட்டத்தின் மூலம் பலர் பயணடைந்தார்கள். அதனால் உங்களுக்கு இந்த கடிதம்....

108 சேவை இனி பாம்பு கடித்தால் மட்டும் பயண்பட வேண்டுமாய் இருக்க வேண்டும்..108 சேவை சாலைவிபத்துகளில் அதிகம் ஈடுபடாமல் இருக்க நடவடிக்கை எடுக்க வேண்டும்...

சாலை விபத்துகளை குறைக்க நடவடிக்கை எடுக்க வேண்டுகின்றேன்...

கடிதத்தில் தவறுதலா எதாவது வார்த்தை உபயோகபடுத்தி இருந்தாலோ அல்லதுதவறுகள் இருந்தாலோ என்னை மன்னிக்வும்... நான் நடுநாட்டுகாரன்.. அதாவது தென்னார்காடு மாவட்டத்துக்காரன்...


எதாவது செய்வீர்கள் என்ற எதிர்பார்புகளுடன்.....

நன்றி
அன்புடன்
ஜாக்கிசேகர்

(ஏன்டா மக்கா.. இவ்வளவு தூரம் சுவாரஸ்யமா படிச்சிங்களே.... ஒரு ஒட்டு போட்டா என்ன? கொறைஞ்சா போயிடுவிங்க....