எனது டெம்ட் குறும்படமும், என் சிறு விளக்கமும்.....

காக்க காக்க படத்தில் நடிகர் சூர்யா ஒரு வரி சொல்லுவார்... பொண்ணுங்க விஷயத்துல நான் ஒன்னும் அவ்வளவு எக்ஸ்பர்ட் இல்லைன்னு... ஆது போலதான் எனக்கு சினிமாவும்.. குறும்படமும்....

நான் எடுத்த குறும்படங்கள் என் திரைவடிவத்தை சோதித்த பார்க்கும் ஆய்வுகூட எலிகள் என்பேன்...எதுவுமே செய்யாமல் அதை செய்து இருக்கலாம்... இதை செய்து இருக்கலாம் என்று சொல்வதை விட, எதையாவது செய்ய வேண்டும் என்று எடுக்கபட்ட படங்கள்தான் எனது குறும்படங்கள்..

அதே போல் சினிமா நான் மட்டும் விளையாடும் விளையாட்டு மைதானம் அல்ல.... அது எல்லோருக்கும் சாத்தியம் ஆன இடம்.... நேரம் இருந்தால் அதில் விளையாடி வெற்றி பெற வாழ்த்துக்கள்.... எனது படம் குறைந்த செலவில் நான் சொல்ல வந்த விஷயத்தை பல காம்பரமைஸ்களோடு சொல்லி இருக்கின்றேன்....


என் படத்தினை உங்கள் பார்வைக்கு வைத்தும் உங்கள் வரவேற்ப்புக்கு பெரு மகிழ்ச்சி அடைகின்றேன்....

போலி புகழ்ச்சிக்கு ஆட்பட வேண்டாம் என்பதில் இருந்ததுலாஜிக் மீறல் வரை எல்லோரும் நட்போடு உணர்த்தினீர்கள் மிக்க நன்றி...பல பேர் என்ன சொல்ல வந்திங்க என்று கேட்டார்கள்..?

இன்னும் சில பேர் முடிவை ஏன் பாசிட்டிவாக மாற்றவில்லை என்று வருத்தப்பட்டார்கள்.... ஒரு திரைப்படம் எல்லோரையும் திருப்தி படுத்தாது என்பது எனக்கு நன்கு தெரியும்....

நண்பர் மூரா சொன்னார்... பணம் இல்லை என்றால் யோசிக்க கூடாதா? என்று உண்மைதான் ஒரு காட்சியை யோசிக்கும் போதே.. பணம் முன்னால் வந்து நிற்கும் நண்பரே... பணத்தையும் இடத்தையும் தேவைகளை வைத்துதான் எல்லா காட்சிகளும் உருவாகும்...அது உங்களுக்கு தெரிய நியாயமில்லை... எனது முதல் படத்துக்கு 60 ஆயிரம் செலவு.... என் நண்பனின் மனைவியின் நகைகள் மார்வாடிகாரணிடம்.... கொஞ்சகாலத்துக்கு ரகசியம் பேசின....

என் நண்பனிடம் இவ்வளவு செலவு ஏன் ஏனும் போது , சினிமா இன்ஸ்டியுட்டில் சேர்ந்து படித்தால் செலவாகும் அல்லவா... அதனால் சினிமா எடுத்து கற்றுக்கொள்கின்றேன் என்றான்....

அந்த “துளிர்”படத்தால் என் வாழ்க்கை உயர்ந்தது... எங்களுக்கு நல்ல பேர் எங்கள் ஊரில் கிடைத்து.. ஆனால் போட்ட காசை எடுக்கும் வித்தை எங்களுக்கு கை வரவில்லை... லோக்கல் கேபிளில் ஒளிபரப்பினோம். மக்கள் முன் எங்கள் படைப்பை வைத்தோம்.. ஒரு இரண்டு கைபேசி எண்ணை கொடுத்தோம்.....சத்தியமாக சொல்கின்றேன் 180 போன் அழைப்புகள் படத்தை பற்றி பாராட்டி வந்த போது அதில் 12 கால் கள் கிளைமாக்ஸ் மாற்றி இருக்கலாம் என்ற கருத்தை வலியுறுத்தி வந்தன...

சரி டெம்பட் படத்தின் ஒற்றை வரி என்ன?.... போதைக்காக எடுத்து கொள்ளும் எந்த விஷயமும் ஒரே நாளில் தலை முழ்கும்... சாத்தியம் இல்லை என்பதுதான்...

நாளை முதல் குடிக்க மாட்டேன் சத்தியமடி தங்கம்... இன்னைக்கு ராத்திரிக்கு மட்டும் ஊத்திக்கின்றேன் என்ற பாடல்தான்.... அந்த படத்தின் ஒற்றைவரிபாடல்..

சத்தியம் சக்கரை பொங்கல்... போன்ற வரிகள்தான் இந்த படத்தின் ஒன்லைன் ஆர்டர்...

சரி கதைக்கு வருவோம்....

முதலில் கோவிலில் சத்தியமாக இனி சிகரேட் பிடிக்க மாட்டேன் என்று வேண்டிக்கொண்டு வருபவன்... ஏன் சிகரேட் பிடிக்க ஆரம்பித்தேன் என்பதற்க்கு காதல் தோல்வி காரணமாய் இருக்கின்றது....இப்போது அதாவது இந்த நேரத்தில் அவன் சிகரேட் விட்டதற்கு முக்கிய காரணம் அவன் அண்ணன் அவனை அசிங்கமான வார்த்தை சொல்லி திட்ட...சரி சிகரேட் விடு வோம் என்ற முடிவுக்கு வருகின்றான்... காரணம் ஒரு பெண் காதல் என்ற போ்வையில் ஏமாற்றி விட நண்பன் ஒருவன் சிகரேட்டை பழக்க படுத்த அன்றிலிருந்நது சிகரேட்க்கு அடிமை ஆகின்றான்.. அவள் நினைக்கும் போது எல்லாம் சிகரெட் பிடிக்கின்றான்....இதற்க்கு முன் இவன் சிகரேட் பிடிப்பதை இவன் குடும்ப உறுப்பினர்கள் கண்டித்து இருப்பதையும் சொல்கின்றான்... திரும்ப அவளை பற்றி வருனிக்கும் போது அவள் ஞாபகம் வர திரும் என்ன செய்கின்றான் என்பது கிளைமாக்ஸ்....இதுதான் கதை டெம்ட் படத்தின் கதை...

முதலில் இந்த படத்திற்க்கு நான் போடும் பணம் ஆயிரம் என்பது என்னை பொறுத்தவரை பெரிய விஷயம்....ஒரு பத்தாயிரம் இருந்து இந்த படத்தை எடுத்தது இருந்தால் இன்னும் நேர்த்தியாக ஒளிபதிவு செய்து எடுத்து இருக்கலாம்....

அதே போல் இந்த படத்தில் எல்லா காட்சியின் வசனங்களும் லைவ் சவுண்டில் எடுக்கபட்டது...படத்திற்க்கு டப்பிங் என்பதே இல்லை...


நண்பர் முரா அவர்களுக்கு நீங்கள் உங்கள் தரப்பை சொல்லி இருக்கின்றீர்கள்...நீங்கள் அறிமுகபடுத்திய குறும்படம் மிக அருமை... ஆது போல் எடுக்க என்னாலும் முடியும்... ஆனால் அந்த 12 நிமிட படத்தின் பின் டைட்டில் பேர் போடும் போது 50உழைத்த கலைஞர்கள் பெயரை பார்த்தீர்கள் அல்லவா?

இந்த ஏழு நிமிட படத்துக்கு மொத்தம்...4 பேர் உழைத்தோம் என்பதை மறவாதீர்... அது போல் ஒரு நண்பர் என்னிடம் பணம் இருந்தாலும் நீ படம் எடுக்க கொடுக்க யோசிப்பேன் என்று பின்னுட்டம் இட்டு இருந்ததார்...அண்ணே நீங்க யார் பெத்த புள்ளையோ..எனக்கு நீங்க பணம் கொடுத்து படம் எடுக்கறத பத்தி் எல்லாம் யோசிக்காதிங்க.... உங்க தொழிலை பாருங்க....

அதே போல் இந்த படத்தில் ஏன் மற்ற கேரக்டர்கள் இல்லை என்பதை நக்கலாக படம் எடுத்தால் பணம் லாஸ் ஆகும் என்பதை சொல்ல அந்த வரிகளை குறிப்பிட்டேன்.. நான் கலையை வளர்க்க சினிமாவுக்கு வரவில்லை...

ஏனென்றால் நான் நான்கு படம் எடுத்து விட்டு எழுதும் போது ஒவ்வொறு படைப்பாளியின் வேதனையும்... அதன் பின் இருக்கும் சோதனைகளையும் நான் அறிவேன்....மனதில் இருக்கும் காட்சியை திரைவடிவம் ஆக்குவது என்பது அவ்வளவு சாதாரணம் அல்ல.... அது எல்லேருடைய கூட்டு முயற்ச்சி... எல்லோரும் ஒரே அலைவரிசையில் வேலை செய்த படங்கள்தான் வெற்றி பெற்று இருக்கின்றன.....

அதே போல் எனக்கு டைரக்ஷன் என்பது எவரிடமும் நான் அசிஸ்டென்டாக இல்லை... நான் சினிமா பார்த்து சினிமா எடுக்க கொஞ்சமாக கற்றுக்கொண்டவன்.... என் அப்பா ஒரு ஜவுளிகடை குமாஸ்த்தா....என் 22 வயதுவரை நான் என்னவாக போகின்றேன் என்று தெரியாமல் இலக்கில்லாமல் சுற்றிதிரிந்தவன்.....


மற்றபடி அற்புதமான விமர்சனம் முன் வைத்த அனைவருக்கும் என் நன்றிகள்.. இன்னும் பல படங்கள் இன்னும் சிறப்பாக செய்வோம்... முரா அறிமுகபடுத்திய குறும்படத்தை நீங்கள் அவசியம் பார்க்க வேண்டும்...அந்த படம் கீழே...

அந்த 12 நிமட படம்



அந்தபடத்தையும் எனது படத்தையும் தயவு செய்து ஒப்பிடாதீர்கள்....அது லீராயல் மெரிடின்...எனது படம் ரோட்டோர சால்னாகடை.... எதாவது மனதை காயபடுத்தும் விதமாய் இந்த பதிவு இருந்தால் மன்னிக்கவும்....

நன்றி

உங்கள் ஆசியுடன்

அன்புடன்/ஜாக்கிசேகர்
தமிழ் மணத்திலும் தமிலிஷ்லும் ஓட்டு போட மறவாதீர்கள்.... இந்த தளத்தின் சிறப்பான,உலகசினிமா,உள்ளுர் சினிமா, பார்த்தே தீர வேண்டிய படங்களையும், பார்க்க வேண்டிய படங்களையும், மற்றும் டைம்பாஸ் படங்களையும்,மற்றவர்களுக்கு அறிமுகப்படுத்துங்கள்
நன்றி.....