ரூபாய் ஆயிரம் செலவில் எனது 4வது குறும்படம்“ டெம்ட்” உங்கள் பார்வைக்கு..

இதுவரை நான் நான்கு குறும்படங்கள் இயக்கி இருக்கின்றேன்... அதில் 4 வது குறும்படமான டெம்ட் உங்கள் பார்வைக்கு வைக்கின்றேன்....

குறும்படம் எடுப்பது எனக்கு காதலான விஷயம் என்றாலும்... அதற்க்கு எனது பொருளாதாரம் எனக்கு எப்போதுமே இடம் கொடுத்ததில்லை...

எனது முதல் குறும்படம் “துளிர்”... மாவட்ட அளவிலான குறும்பட போட்டியில் 3வது பரிசை பெற்றது.. அதன் பிறகு “முதல் படி” என்ற ஒரு படம் எடுத்தேன்... அதன் பிறகு “பரசுராம் வயது 55” என்று ஒரு படம் எடுததேன் ....
இதில் சிறப்பு என்னவெனில் இந்த மூன்று படங்களும் சென்னையில் நடந்த உலககுறும்பட போட்டியில் திரையிட தேர்வு செய்யபட்டதாகும்...

என்னிடம் இருக்கும் கெட்ட விஷயம் எனது படைப்பை இன்னும் சிறப்பாக செய்து இருக்கலாம் என்று எப்போதும் நினைப்பதால் அதனை மக்கள் மன்றத்தில் வைக்க சிறு தயக்கம்...

கவிதை , கதை எழுதி நன்றாக இல்லை என்று கிழி்த்து போடுவது போல.....

ஆனால் நண்பர்கள் பல பேரின் வற்புறுத்தல் காரணமாக இப்போது ஓவ்வொன்றாக வெளியிட உத்தேசித்து உள்ளேன்....

இவ்வளவுநாள் வெளியிட இன்னொரு தயக்கம் எனக்கு யூடியுப் தொழில் நுட்பம் போன்றவை எனக்கு தெரியாது ... நண்பர் பதிவர் வடிவேலு அவர்கள் உதவியுடன் இந்த படம் உங்கள் பார்வைக்கு...

என் படங்களில் நடித்த எவருக்கும் கேமரா முன்னால் நின்ற அனபவம் கிடையாது... ரைட் லுக் லெப்ட் லுக் எதுவும் தெரியாது...அவர்களுக்கு நடிப்பு சொல்லி கொடுத்து....ஸ்கிரிப்ட் எழுதி ஒளிப்பதிவும் செய்தும் இயக்குவது ரொம்ப சிரமமான விஷயம் என்பேன்....

முதலில் பதிவர் ஜியோராம் சுந்த்ரின் ஒரு கதையை தேர்வு செய்து எடுக்க இருந்தேன் ஆனால்அதற்க்கு பொருளதாரம் இடம் கொடுக்காத காரணத்தால் இந்த படத்தை எடுத்தேன்... அதே போல் அவர் கதையை படமாக்கி கொள்ள அனுமதி கேட்ட போது நிச்சயம் செய்து கொள்ளுங்கள் என்று அனுமதி வழங்கினார் அவருக்கு என் நன்றிகள்....

இந்த படத்தை இன்னும் சிறப்பாக எடுக்க வேண்டும் எனில் இன்னும் பண்ம் வேண்டும்... கையில் இருந்த காசை போட்டு ரூபாய் ஆயிரத்தில் எடுத்தது...

எந்த உதவியாளனும் எனக்கு இல்லை இவ்வளவு ஏன் ஒரு தெர்மகோல் பிடிக்க கூட ஆள் இல்லை...

ஸ்கிரிப்ட் எழுதவும் ,டிஸ்கஸ் செய்யவும் ஆங்கில சப்டைட்டில் அடிக்கவும் எனது மனைவியின் உதவி மகத்தானது.... மதல் நாள் இரவில் ஸ் கிரிப்ட் எழுதி மறுநாள் கதலை 8 மணிக்கு தொடங்கி மதியம் 2 மணிக்குள் முடித்து சாயிந்திரம் 8 மணிக்கெல்லாம் படத்தை டிவிடியில் அவுட் எடுத்தோம்....

படம் எடுத்த கொண்டு இருக்கும் போது பதிவர் நித்யா என்னோடு ஒத்துழைத்தார்... எனது மனைவி மோர் ரெடி செய்து எடுத்து வந்து நடித்த நண்பர்களுக்கு கொடுத்து புரொடெக்ஷன் வேலை செய்தார்கள்....

இந்த படத்தின் வசனங்கள் பற்றி உங்கள் அபிப்ராயம் எதிர்பார்க்கின்றேன்....படத்தின் முடிவில் எனது போன் நம்பர் இருக்கின்றது தயவு செய்து இந்திய நேரப்படி இரவில் போன் செய்ய வேண்டாம் என்று நண்பர்களை கேட்டுக்கொள்கின்றேன்...பின்னுட்டத்திற்க்கு ஜீமெயில் மட்டும் பயண்படுத்தவும்

இந்த படத்தில் நடித்த இருவரும் எனது மனைவியி்ன் அலுவலகத்தில் வெவ்வேறு காலகட்டங்களில் பணி புரிந்த நண்பர்கள்.... அதுதான் இந்த படத்தின் கூடுதல் சிறப்பு என்பேன்....

இந்த படத்தின் கால அளவு எழு நிமிடங்கள் மட்டுமே

எனது குறும்படம் டெம்ட்





இயக்குனர் ஒளிப்பதிவாளர் ராஜீவ் மேனன் குறும்பட விழாவில் இப்படி சொன்னார்... ஒரு குறும்படம் என்பது ஆற்றில் இருக்கும் குழங்கல்லை எடுத்து அற்புதமாக துடைத்து பட்டை தீட்டி அதனை மீண்டும் ஆற்றில் தூக்கிபேடுவதுபோல்தான்... ஏனென்னறால் அதனால் எந்த வருமானமும் இல்லை என்றார்.... குறும்படங்கள் ஒரு ஆத்ம் திருப்திக்கு மட்டுமே என்றார் அவர் சொல்வதுதான் எவ்வளவு உண்மை.....


அன்புடன்/ஜாக்கிசேகர்
தமிழ் மணத்திலும் தமிலிஷ்லும் ஓட்டு போட மறவாதீர்கள்.... இந்த தளத்தின் சிறப்பான,உலகசினிமா,உள்ளுர் சினிமா, பார்த்தே தீர வேண்டிய படங்களையும், பார்க்க வேண்டிய படங்களையும், மற்றும் டைம்பாஸ் படங்களையும்,மற்றவர்களுக்கு அறிமுகப்படுத்துங்கள்
நன்றி.....