சென்னையில் ஏன் சத்தியம் தியேட்ட்ர் சிறந்தது...

பத்து வருடத்துக்கு முன் ரிபான்விங்கிள்போல் யாராவது படுத்து தூங்கி இப்போது எழுந்து சத்தியம் தியேட்டர் போனால் அவன் மயக்கம் அடைந்து விழுந்து விடக்கூடும் எந்த இடத்திலும் பழமையை அந்த தியேட்டர் நிர்வாகம் கொஞ்சம் கூட
மிச்சம் வைக்கவில்லை, சம காலத்தில் எல்லா இடத்திலும் புதுமை புகுத்திய ஒரே தியேட்டர் சத்தியம் தியேட்டர்தான்...

முதலில் அடிப்படை வசதியான கழிவறை.
என் வீட்டில் கழிவறை கட்டியதும் நான் சாக்பீசால் என் வீட்டு டாய்லட் சுவற்றில் எழுதிய முதல் வாசகம், உங்கள் வீட்டு டாய்லட்டின் சுத்தத்தை வைத்தே வெளியார் உங்களை மதிப்பிடுவார்கள் ஆகவே டாய்லட்டை சுத்தமாக வைத்து இருங்கள் என்று எழுதி வைத்து இருந்தேன். என்னை பொறுத்தவரை டாய்லட் சுத்தத்துக்காகவே சத்தியம் தியேட்ட்ரில் படம் பார்க்கலாம். அதே போல் ஒவ்வோறு உச்சா போகும் இடத்தின் மேலேயும் ஒரு சின்ன டிவி வைத்து விளம்பரம் படுத்தும் ஒரே தியேட்டர் சத்தியம்தான்.
படம் பார்க்க வரும் எல்லோருமே மனிதர்கள் அவர்கள் ரோபோ அல்ல... என்பதை மற்ற தியேட்டர் நிர்வாகங்கள் புரிந்து கொள்ள வேண்டும்..

இரண்டாவதாக பார்க்கிங்
எனக்கு தெரிந்து சென்னையில் பெரிய ஏரியாவை வாங்கி பார்க்கிங் பர்ப்பசுக்காக வைத்து இருக்கும் ஒரே நிர்வாகம் சத்தியம் நிர்வாகம் மட்டுமே... கார் எடுத்துக்கொண்டு வந்து எங்கே எப்படி பார்க் செய்வது என்று விழி பிதுங்கி நிற்கத்தேவையில்லை. சென்னையில் முதன் முதலில் இரு சக்கர வாகனத்துக்கு பத்து ரூபாய் வசூலித்த முதல் தியேட்டர் சத்தியம் தியேட்டர்தான்.


முன்றாவதாக ஒளி ஒலி

ஆர்டி எக்ஸ் என்ற டிஜிட்டல் புரொஜெக்ஷன் மூலம் படங்கள் திரையிடுவது இந்தியாவிலே சத்யம் தியேட்டர்தான் முதலிடம். டிடிஎஸ் சவுண்டும் மிக அற்புதமாக இருக்கும். ஆங்கில படங்கள் சத்யத்தில் பார்பது என்பது அலாதி பிரியமான விஷயம் எனக்கு .

நன்காவது ஃபயுல் கார்டு

நீங்கள் 300 ரூபாய் கொடுத்து இந்த ஃபயுல் கார்டு வாங்க வேண்டும் அதில் 50ருபாய் ஒரு வருடக் கார்டு கட்டணமாக எடுத்துக்கொள்வார்கள். அதன் பிறகு எவ்வளவு ரூபாய் வேண்டுமானாலும் ரீசார்ஜ் செய்து கொள்ளலாம் அதன் பிறகு நீங்கள் போன் மூலமாகவும் நெட் மூலமாகவும் டிக்கெட் புக் செய்து கொள்ளலாம்...

படம் ஓடிக்கொண்டு இருக்கும் போது பாப்கார்னும் கோக்கும் வேண்டும் என்றால் நீங்கள் முன்பே இந்த கார்டு மூலம் புக் செய்து விட்டால் சரியாக அந்த நேரத்துக்கு படம் ஓடிக்கொண்டு இருக்கும் போதே டார்ச் லைட் அடித்து வந்து உங்கள் சீட்டில் டெலிவரி செய்வார்கள்.


இன்னும் சில சின்ன சின்ன விஷயங்கள்...

மேல் உள்ள தளங்களில் சின்ன பசங்களுக்காக பிளேஸ்டேஷன் வைத்து இருக்கின்றார்கள்.

முதல்தளத்தில இட்லி தோசை கிடைக்கும் வகையில் ரெஸ்ட்டாரண்ட் வைத்து இருக்கின்றார்கள்.

பத்து ரூபாய் டிக்கெட் சீட் தவிர அனைத்தையும் குஷன் சீட்டாக மாற்றி விட்டார்கள் இன்னமும் பத்து ரூபாய் டிக்கெட் கொடுக்கும் ஒரே தியேட்டர் சத்யம்தான்.
(மற்ற தியேட்டர்கள் அதை கொடுத்தாலும் அது முழுக்க பிளாக்கிள்தான் போகும்)

350 சீட் கெப்பாசிட்டி உள்ள தியேட்டரை பெரிய பெரிய குஷன் சீட் வைத்து 250 சீட்டாக குறைத்து விட்டார்கள் அதே போல் நன்றாக இடம் விட்டு சீட்களை அமைத்து இருக்கின்றார்கள் அதனை ஈடுகட்ட ரூபாய் பத்துக்கு பிறகு டிக்கெட் ரேட் ரூபாய் 100, 110,120 என்று ஏற்றி வைத்து இருக்கின்றார்கள்.

சுத்தம் சுத்தம் எங்கும் சுத்தம் ஆயிரக்கணக்கான மக்கள் வந்து போகும் தியேட்டரில் எங்கும் ஒரு சாக்லேட் பேப்பர் கூட பார்க்க முடியாது. காபி வாங்கி வரும் போது கைதவறி காப்பி்கொட்டி ஈ மிக்கும் பேச்சக்கே இடம் இல்லை.

டிக்கெட் கிழித்து உள்ளே போகும் போது வெல்கம்சார் என்று எல்லோருக்கும் சொல்ல தவறுவது இல்லை.

பத்தேகாலுக்கு படம் என்று சொல்லி பத்து பத்துக்கு தியேட்டர் உள்ளே விட்டு, சீட் தேடி உட்காருவதற்க்குள் படம் போட்டு விடும் தியேட்டர்களுக்கு மத்தியில் பத்தேகால் படத்துக்கு பத்து 5க்கு உள்ளே வி்ட்டு மிகச்சரியாக பத்தேகாலுக்கு படம் போடும் ஒரே தியேட்டர் சத்யம்தான்.

ரூல்ஸ் என்பது எல்லோருக்கும் பொது என்பதை சத்யம் நிர்வாகம் செவ்வனே செய்து வருவதை பார்த்து இருக்கிறேன்.

எல்லா சிப்பந்திகளும் எல்லோரிடமும் மிக மரியாதையாய் நடந்து கொள்கிறார்கள் அந்த தியேட்டர் ரூல்ஸ் மீறப்படும் போதுதான் அவர்கள் கோபமாக பேசுகின்றார்கள். எங்கும் சிகெரெட் குடிக்க கூடாது என்பது ரூல் ஆனால், பாத் ரூமில் மறைந்து தம் அடித்தால் கோபம் வருமா? வராதா?


நான் இரண்டு கப் காபி வாங்கி வருகிறேன். ஸ்விங் டோர் என்பதால் சில பேர் போனதும் முடிக்கொள்கின்றது. நான் கதவை திறக்க யார் உதவியை நாடலாம் என்ற யோசித்து நடந்து வருவதற்க்குள் ஒரு சத்யம் கடைநிலை சிப்பந்தி ஓடி வந்து கதவை திறந்து விட்டான் பாருங்கள், அதுதான் சத்தியம். அந்த நிறுவனத்தை மிக நன்றாக நேசிப்பவனால்தான் அதை செய்ய முடியும். (அவனுடைய செயல்தான் இந்த பதிவை எழுத வைத்தது)



கிராமத்தில் டென்ட் கொட்டாயில் படம் பார்த்த நண்பன் சென்னை வந்தால் அவனுக்கு சென்னையை சுற்றி்க்காட்டும் போது அதில் சத்யம் தியேட்டரையும் சேர்த்துக்கொள்ள வேண்டும்.


பெண்களை எவரும் ஈவ்டீசிங் செய்ய முடியாத படி எல்லா இடத்திலும் சத்தியம் ஆட்கள் இருக்கின்றார்கள்

ஓத்தா, உன் பருப்பை எடுத்துடுவேன் என்று கைலியை தூக்கி கட்டிக்கொண்டு போடும் தியேட்டர் சண்டையை நான் இந்த வளாகத்தில் பார்த்தது இல்லை.

முன்பெல்லாம் படம் ஒடிக்கொண்டு இருக்கும் போது இதே சத்தியத்தில் பின் சீட்டில் இருக்கும் ஒரு கபோதி பச்சக் என்று பான்பராக் எச்சிலை துப்பி வைக்கும் சில நேரங்களில் அதன் சாரல்கள் என் கால்களில் கூட பட்டு இருக்கின்றது. இப்போது அந்த கபோதிகளை சத்தியம் நிர்வாகம் இனம் கண்டு உள்ளே விடுவதே இல்லை.


படம் ஓடும் போது தடிக்கி விழாமல் நடந்து போகும் அளவுக்கு மெல்லிய விளக்கு வெளிச்சம் தியேட்டரின் படிக்கட்டு சீட்டுகளில் வைத்து இருப்பார்கள்.

அதே போல் புதிதாய் வரும் ரசிகனுக்கு எதாவது பிரச்சனை என்றால் அரங்கத்தின் எமெர்ஜென்சி வழியை கம்யுட்டர் கிராபிக்சில் காட்டி வழி எங்கு இருக்கின்றது என்பதை படம் ஆரம்பிக்கும் முன் ஷோவ் ரீலாக போடுகின்றார்கள்.

மக்கள் கூடும் எல்லா நிறுவனத்துக்கும் சமுக பொறுப்பு இருக்கின்றது அதனை நிர்வாகம் உணர்ந்து சத்தியம் தியேட்டரே தயாரித்த எயிட்ஸ் விழிப்புனர்வு விளம்பரபடங்களை படம் போடும் முன் போடுகின்றார்கள் முன்பு ஜனகனமன போட்டார்கள் இப்போது நிறுத்தி விட்டார்கள் ஏன் என்று தெரியவில்லை.

நான் சத்தியம் பக்கம் மூன்று மாதத்துக்கு ஒரு முறைதான் செல்லுவேன் நேற்று கூட நியுட்டன் முன்றாவது வீதி படம் மனைவியோடு பார்க்க சென்றேன். இரண்டு டிக்கெட் 240ரூபாய், பார்க்கிங் பத்து ரூபாய், இரண்டு காப்பி40 ருபாய், ஆக மொத்தம் 290ரூபாய் செலவு செய்து படம் பார்த்தேன்... ஒரு மாச சமையல் கேஸ் அமவுண்ட் கொடுத்து படம் பார்த்து விட்டு வந்ததாகவே என் மனம் சொல்லியது..
( நம்ம எல்லாம் மிடில்கிளாஸ் இல்லை?)

படம் சொல்லிக்கொள்ளும் படி இல்லை...நல்ல திரைக்கதை பட் எஸ்ஜே சூர்யா நடிப்பை பார்த்தால் சிரிப்புதான் வருகின்றது.

எல்லா பணக்கார வீட்டு பிள்ளைகளின் பாக்கெட் மணிதான் சத்யத்தின் வளர்ச்சி என்றால் அது மிகையாகது அவ்வளவு இளைஞர்கள்...கூட ஒரு ஜீன்ஸ் டிசர்ட் அணிந்த பெண்ணுடன்...


இப்போது தியேட்டரின் சில மைனஸ்கள்...


தியேட்டர் புல்லும் ஏசி என்பதால் 7 ரூபாய் காப்பியை 20 ரூபாய்க்கு விப்பது ரொம்ப ஓவர்.

சமான்ய குடும்பம் சத்யத்தில் படம் பார்க்க ஒரு படத்துக்கு 750 ரூபாய் கொடுக்க வேண்டும்.
டிக்கெட் விலையேற்றத்தை நிர்வாகம் குறைக்க வேண்டும். பர்மா பஜாரில் ஒரு 5,1 டிவிடி 50 ரூபாய் என்பதை சத்யம் நிர்வாகம் உணர வேண்டும்


அவ்வளவுதான் இருப்பினும் இதே அளவுக்கு பணம் பெறும் தியேட்டர்கள் சத்தியம் அளவுக்கு சென்னை வாழ் ரசிகனுக்கு சேவை செய்ய வில்லை என்பதே உண்மை...


குறிப்பு/ எனக்கு கமலா தியேட்டரில் 40 ரூபாய் டிக்கெட்டில் படம் பார்க்கதான் ஆசை.( நம்ம பட்ஜெட் அப்படி) என் மனைவிக்கு சத்யம்தான் பிடிக்கும் காரணம் அந்த தியேட்டரில்தான் அவளால் முழுதிரையையும் பார்க்க முடியும். அதனால்தான் நம்ம சாய்ஸ சத்யம்.

அன்புடன் /ஜாக்கிசேகர்