கணவர்களின் அலட்சியத்தை, குத்திக்காட்டும் அந்த விளம்பர படம்...

காதலிக்கும் போது காதலியை சுற்று சுற்று என்று சுற்றிக்கொண்டு இருக்கின்றோம்... அவளுக்காக பல கிலோமீட்டர் நடந்தே சென்று இருப்போம்... பொறுமையாக பத்து பக்கத்துக்கு மிகாமல் காதல் கடிதங்கள் எழுதி இருப்போம்... கண்ணே மணியே என்று கொஞ்சி இருப்போம்... இது காதலித்தவர்கள் மட்டும் அல்ல... திருமணம் ஆன புதிதில் பல கொஞ்சல்கள்... அழகாய் இருக்கின்றாய் என்று பொய் சொன்ன கணங்கள் எல்லோருடைய வாழ்க்கையிலும் நடந்த நிகழ்வுதான் இது....

ஆனாலும் காதலித்த போது காத்த பொறுமை.. திருமணத்துக்கு பிறகு நம்மில் பலருக்கு இருப்பதில்லை...பொதுவாக பெண்கள் எப்போதும் ஆண்களை மைக்கில் ஹலோ டெஸ்ட்டிங்..123 என்பது போல் நீ என்னை காதலிக்கின்றாயா? காதலி்க்கின்றாயா ? என்று கேட்டபடியே இருப்பார்கள்.. ஏனென்றால் கணவன் தன்னை மட்டும் நேசிக்க வேண்டும் என்ற பேராசைதான்.. காரணம் அவளோடுதான் மணிக்கணக்காக செலவிட வேண்டும் என்ற எண்ணமும் நிறைய பேச வேண்டும் என்று மனைவிகள் விருப்பம் கொள்கின்றார்கள்...

காதலிக்கும் போது நிறை பேசனிங்க... இப்ப எதுவுமே பேசவில்லை என்ற ஆதங்கம் அதிகம் எல்லா பெண்களுக்கும் உண்டு.. காரணம்... காதலியை வீட்டுக்கு தெரியாமல் இரண்டு் மணி நேரம்தான் பார்க்க முடியும் எனும் போது மனதில் உள்ள எல்லாவற்றையும் கொட்டி விடுகின்றோம்... ஆனால் திருமணத்துக்கு பிறகு 24 மணி நேரமும் அவளோடு செலவிடும் போது பேச்சு குறைந்து விடுகின்றது...

இது போன்ற ஒரு பெண்ணின் ஏக்கத்தை மிக அழகாக காதலுடன் பதிவு செய்த இந்த விளம்பரம் மிக அற்பதமான காதலையும் .. நேசிப்பையும் சொல்வதால் இந்த விளம்பர படம் எனக்கு மிகவும் பிடிக்கும்

அந்த அழகான 3 ரோசஸ் டீ விளம்பரம்...



கணவன் பேப்பர் படித்து கொண்டு இருக்கின்றான்... சுவாதியோட டாகியை பார்த்திங்களா, என்று கேட்டபடி வரும் மனைவி நாயை பற்றி அதன் பிள்ஸ்களை பற்றி சொல்லிக்கொண்டு வரும் போது கணவணுக்கு டீயை கலந்து கொடுக்கின்றாள்... அவனிடம் அவள் பேசிக்கொண்டு இருக்கும் போது அவள் சொல்வதை கேட்காமல் பேப்பர் புரட்டிக்கொண்டு இருக்கின்றான்... நாய் நம்மோடு இருக்கும் வீட்டை காக்கும் என்று சொல்லும் போது... கணவன் அப்புறம் என்று கேட்க... அது ஆபிஸ்ல இருந்து லேட்டா வராது என்று சொல்லும் போது கணவன் தன் தவற்றை உணர்ந்து.. தான் திருந்த ஒரு வாய்ப்பு கேட்க.. அவள் சரி என்று சொல்லும் போது இருவரும் காதலுடன் சிரிக்கின்றார்கள்... அதை விட இந்த விளம்பர படத்தில் நடித்த இந்த பெண்ணின் கண்கள் அவ்வளவு அழகு... அது அபிஸ்ல இருந்து லேட்டா வராது என்று சொல்லி விட்டு அதற்க்கு அடுத்து அந்த பெண்ணுக்கு கொடுத்த குளோசப்களில் அந்த பெண் சிக்கசரும் பவுண்டிரியும் அடித்து ஆடுவது போல் எக்ஸ்பிரஷன் கொடுத்து இருப்பார்.... அதை விட முக்கியம் இதன் இசை... மனதை மயக்கும் இந்த இசையை எப்போது வேண்டுமானாலும் கேட்டுக்கொண்டு இருக்கலாம்...

52 செக்கன்டுகளில்.. குடும்ப பெண்களின் தனிமையையும் ஏக்கத்தையும் சொல்லி இருக்கும் இந்த 3 ரோசஸ் டீ ,விளம்பர குழுவுக்கு எனது ராயல் சல்யுட்கள்.... இவர்களின் இன்னோரு விளம்பரம்... மனைவிக்கு ஐலவ்யூ சொல்வதான அந்த விளம்பரம் எமது அடுத்த பதிவில்...

இந்த விளம்பர படத்தின் ஒளிப்பதிவாளர், இயக்குனர் இசையமைப்பபாளர் போன்ற தகவல்களை படிப்பவர்கள் பின்னுட்டம் வாயிலாக தெரிய படுத்த வேண்டுகின்றேன்... அது எனக்கு அடுத்து பதிவை வாசிப்பவர்களுக்கு மிகவும் பயனுள்ளதாய் இருக்கும்
நன்றி

அன்புடன்
ஜாக்கிசேகர்
தமிழ் மணத்திலும் தமிலிஷ்லும் ஓட்டு போட மறவாதீர்கள்.... இந்த தளத்தின் சிறப்பான,உலகசினிமா,உள்ளுர் சினிமா, பார்த்தே தீர வேண்டிய படங்களையும், பார்க்க வேண்டிய படங்களையும், மற்றும் டைம்பாஸ் படங்களையும்,மற்றவர்களுக்கு அறிமுகப்படுத்துங்கள்
நன்றி.....