ஷாட் என்றால் என்ன???(சினிமா சுவாரஸ்யங்கள் /பாகம்3)

ஷாட் என்றால் என்ன? ஷாட்டை பற்றி குப்பனும் சுப்பனும் பேசிக்கொண்டு இருப்பான்... அந்த படத்துல அந்த ஷாட் நல்லா இருந்துச்சு .. இந்த படத்துல இந்த ஷாட் நல்ல இருந்துச்சு... இப்படி பலர் சொல்ல கேட்டு இருக்கோம்...சினிமா ரசிகனா இருந்தா? இந்த விஷயத்தை பத்தி் அல்லது இந்த வார்த்தையை பற்றி நல்லா தெரிஞ்சி இருக்கனும்...

சரி ஷாட் என்றால் என்ன? கேமராவுல பிலிம் எல்லாம் லோட் பண்ணி அல்லது வீடியோ கேமராவுல கேசட் எல்லாம் போட்டு ரெடியா வச்சி.... எதை எடுக்க போறோமோ? அதுக்கான கோணத்தை எல்லாம் பார்த்து.... கேமராவுல ரெக்கார்டிங் பட்டனை ஆன் பண்ணி அது பிலிமிலயோ அல்லது கேசட்லயோ ரெக்கார்ட் ஆகும்... அதுக்கப்புறம்..நாம் என்ன நினைச்சமோ அதை காட்சிகளா செல்லுலாய்டில் சிறைபிடித்த பின்னாடி நாம் கேமராவை ஆப் செய்வோம்...

அதாவது கேமரா ஆன் பண்ணி அப் பண்ணும் போது நடுவில் பிலிமில் பதிந்த காட்சிகளுக்கு பேர்தான் ஷாட் என்று சொல்லுவார்கள்... போதுமா ஷாட் என்பது பெரிய கம்ப சூத்தரம் எல்லாம் இல்லைங்க...

சரி ஒரு ஷாட் என்பதற்க்கு எதாவது கால அளவு என்பது இருக்கின்றதா? இல்லை இல்லவே இல்லை... ஒரு ஷாட்டை ஒரு இயக்குனர் எப்படி வேண்டுமானாலும் எடுத்துக்கொள்ளலாம்..

அதே போல் ஷாட்களில் பல சப் டிவிஷன்கள் இருக்கின்றது.. லோ ஆங்கிள் ஷாட், ஐஆங்கில் ஷாட்,லாங்ஷாட், குளோஸ்ஷாட், கட் ஷாட் , இண்டர்கட் ஷாட்,மிட்ஷாட் என்று பல விஷயங்கள் இதில் வரும்.... அதனை வரும் எபிசோட்களில் ஜஸ்ட் லைக்தட்டாக பார்க்கலாம்...

சரி இப்படி குட்டி குட்டியா எடுத்த காட்சிகளை ஒன்ன சேர்த்தா அதுக்கு சிக்வெண்ஸ்ன்னு பேரு... அந்த சீக்வெண்ஸ்க்கு அப்புறம் அது ஒரு சீனா உருவெடுக்கும்... ஒரு படத்துல ஒரு சீன் நல்லா இருக்குன்னு சொல்லறதுக்கு முன்ன ஒரு விஷயம் கவனிக்கனும்...

ஒரு சீன் என்பது பல ஷாட்டுகளுடைய கோர்வைதான் ஒரு சீன் என்பதாகும்....ஒரு சீன் எடுக்க பல ஷாட்டுகள் எடுக்க வேண்டும்...ஒரு படத்தில் 60லிருந்து 70பதுவரை சீன்கள் இருக்கும்...அப்படி இருக்கும் போது எத்தனை ஷாட்டுகள் எடுக்க வேண்டும் என்பதை நீங்களே யோசித்து கொள்ளுங்கள்...

ஒரு லீவிஸ் பேண்ட் ஆட் அதை பாருங்கள்.... முதலில் அதில் எத்தனை ஷாட் வருகின்றது என்பதை சொல்லுங்கள்... மிகச்சரியாக சொல்ல வேண்டும்... இவ்வளவு நேரம் கிளிபிள்ளைக்கு சொல்வது போல் சொல்லியதற்க்கு பலன் உங்கள் ஈடுபாட்டை வைத்துதான் இந்த தொடரின் அடுத்த கட்டம் டெக்னிக்கலாகவும் போகும்... வாய்ப்பு இருக்கின்றது....



தொடரும்.....
இன்டியா கிளிட்ஸ் படங்களுக்கு என் நன்றிகள்


அன்புடன்
ஜாக்கிசேகர்
தமிழ் மணத்திலும் தமிலிஷ்லும் ஓட்டு போட மறவாதீர்கள்.... இந்த தளத்தின் சிறப்பான,உலகசினிமா,உள்ளுர் சினிமா, பார்த்தே தீர வேண்டிய படங்களையும், பார்க்க வேண்டிய படங்களையும், மற்றும் டைம்பாஸ் படங்களையும், சினிமா சுவாரஸ்யங்கள் தொடரையும்,மற்றவர்களுக்கு அறிமுகப்படுத்துங்கள்
நன்றி.....