கண்டிக்கவேண்டிய சிங்கள பத்திரிக்கை கார்ட்டுன்..

சமுக வலைதளங்களில் அந்த கார்ட்டுனை பார்க்கும் போது  எல்லாம் மிக வெறுப்பாய் இருக்கின்றது...

என் வாழ்நாளில் இதுவரை எத்தனையே நக்கல்  கார்ட்டுன்களை பார்த்து இருக்கின்றேன்.. ஆனால் இவ்வளவு கீழ்த்தரமான  கார்ட்டுனை பார்த்தது இல்லை.

நான்காம் கட்ட ஈழ போர் நடந்த சமயத்தில் கூட  தமிழக பத்திரிக்கைகளில் ஏமதர்மராஜா மற்றும் கிங்கரர்கள் போல ராஜபக்சேவை  சித்தரித்து படங்களையும் கார்ட்டுனையும் வெளியிட்டு இருந்ததே தவிர்த்து இப்படி ஒரு கேவலமான கார்ட்டுனை தமிழக பத்திரிக்கைகள் ஏதும் வெளியிட்டு இருக்கவில்லை...ஒரு போதும் ராஜபக்சேவின் அந்தரங்கம்  அவ்வளவு   கோபத்திலும்  மீறப்படவில்லை...

 அவர்கள் அப்படித்தான்... எப்போதுமே அவர்கள் துவேஷ உணர்வோடுதான் நம்மையும் நம் நாட்டையும் அணுகி கொண்டு இருக்கின்றார்கள்.. அட தமிழர்களை  பார்த்தால் கூட பரவாயில்லை ...அவர்களை பொருத்தவரை இந்தியர்கள் அத்தனை பேரையும் எதிரியாகத்தான் பார்க்கின்றார்கள்...

 சின்ன  நாடு கிழக்கு ஆசியாவில் வல்லரசு அளவுக்கு வளர்ந்து இருக்கும்  நாட்டின் பிரதமரையும், ஒரு மாநில முதல்வரையும் இவ்வளவு கேவலமாக   சித்தரிக்க முடியுமா?  முடியும் என்று லக்பிமா என்ற சிங்கள பத்திரிக்கை கொக்கரித்து இருக்குகின்றது....   சின்ன சின்ன எதிர்புகளை காட்டிய நம் முதல்வர் மீதே இவ்வளவு காழ்ப்புணர்ச்சியோடு இருக்கும் போது, அங்கே இருக்கும்  தமிழ் பெண்களின் நிலையையும் தமிழர்களின் நிலையையும்   நினைத்துப்பார்க்கவே பயமாக இருக்கின்றது...

 அவர்களுக்கு எவ்வளவுதான் கொட்டிக்கொடுத்தாலும் அவர்கள் பாகிஸ்தானுடனும் சீனாவுடனும்தான் நட்பு பாராட்ட விரும்புகின்றார்கள். இதை புரிந்து கொண்ட  ஒரே  இந்திய பிரதமர் இந்திராகாந்தி மட்டுமே...

பாரதிராஜா இயக்கிய பசும்பொன் திரைப்படத்தில் ஒரு காட்சி வரும்.. தன்  அம்மாவின் இரண்டாம்  தாரத்து பிள்ளைகளான , விக்னேஷ் மற்றும் பொன்வண்ணனை தன் தம்பிகளாக பிரபு ஏற்றுக்கொள்ளமாட்டார்... ஆனால்  அவர்களை வில்லன்கள் அடிக்கும் போது, உள்ளே புகுந்து  அவர்களை அடித்து  தன் தம்பிகைளை காப்பாற்றி விட்டு, பிரபு ஒரு டயலாக் கை கோபத்தோடு சொல்லுவார்.....

 என் தம்பிகளை நான் அடிப்பேன், திட்டுவேன்... அதை எவனும் கேட்கக்கூடாது... என் தம்பிகளை எவன் அடிச்சாலும் நான் கேட்பேன்டா? என்று சொல்லுவார்..

நமக்குள் ஆயிரம் கருத்து மோதல் இருக்கலாம்... சண்டை   சச்சரவுகள்  இருக்கலாம்... ஆனால் இவ்விதமான போக்கை   ஒருபோதும்  கண்டும் காணாமல்  செல்ல முடியாது... இது வண்மையாக கண்டிக்கதக்கது....

கேலி  செய்யவும் கிண்டல் செய்யவும் ஒரு வரை முறை இருக்கின்றது.. இது ஆபாசத்தின் உச்சம்..அந்த  பத்ரிக்கையின் கார்ட்டுன் பக்கத்தை  வெளியிட்டு இருக்கலாம்.. ஆனால்  அந்த  காட்டூன் பலர் பார்க்கும் போது , வரைந்து வெளியிட்டவர்களின்  வெற்றிக்கு துணை போனது போல இருக்கும்...

 எந்த பெண்ணை சித்தரித்தாலும் அது கண்டிக்க தக்கதே.. இருப்பினும் நம் மாநில முதல்வரை நினைத்து பார்க்க முடியாத அளவில் சித்தரித்து இருப்பதை வண்மையாக நாம் அனைவரும் கண்டிக்கவேண்டும்....

காவிரி நதி நீர் ஆணையத்தை கூட்டுவதில் கூட ரொம்ப மெத்தனம் காட்டுகின்றார் என்று சுப்ரீம்  கோர்ட்டே  குட்டு வைத்த பிரதமர்தான்...தமிழ்நாட்டு தமிழர்களை மாற்றந்தாய் மனப்பாண்மையோடு அணுகக்கூடியவர்தான்.... இருந்தாலும்....? மீண்டும் பசும்பொன் படத்தில் பிரபு தன் தம்பிகளுக்காக வில்லனிடம் பேசும் வசனத்தை ஒரு முறை படித்து  படிக்ககவும்

பிரியங்களுடன்
ஜாக்கிசேகர்.


நினைப்பது அல்ல நீ
 நிரூபிப்பதே நீ....
.EVER YOURS...