யாழினிக்கு பிறந்தநாள் (யாழினி அப்பா)

15/03/2013 யாழினிக்கு இன்று பிறந்தநாள்.

இரண்டு வயது பூர்த்தியாகி இருக்கின்றது....

பிக்கி ஆன் த ரெயில்வே  பிக்கிங் த ஸ்டொன் பாடலும்.. இந்தியாவின் தந்தையாரு பாடல் என் எல்லா ரைம் பாடல்களையும் பாடுகின்றாள்....

பாடல் கேட்கும் போது  கூட ஏர்ட்டெல் சூப்பர் சிங்கரில் நடுவராக இருக்கும் எஸ்பி சைலாஜா வையாவ வெட்டறது போல தாளத்துக்கு ஏத்தது போல  பண்ணறா....

பேச்சு சரளமாக வர ஆரம்பித்து விட்டது. காயத்திரி மந்திரமும், நெஞ்சுக்குள்ளே பாடலும் பாடுகின்றாள்..

எனக்கு பிடித்த பாட்டு ஏதாவது ஒலித்தால் அப்பா உங்க பாட்டு என்று  சொல்லி அந்த பாட்டை மேலும் ரசிக்கின்றாள்...

மாற்றன் படத்தில் “கம லாங்வே” கோரசை  அப்படியே பாடுகின்றாள்... எட்டவது படிக்கும் போதுதான் எனக்கு  லவ்வுக்கு  லைக் என்ற வாக்கியத்துக்கும் அர்த்தம் தெரியும்..

நான் ஏதாவது பாடினால் பல்பு கொடுக்கின்றாள்...

இந்த செய்தியை ஏஆர்ரகுமானோ அல்லது அவரது ரசிக நண்பர்களோ படித்தால் ரொம்ப சந்தோஷபடுவார்கள். சில நேரங்களில் சில பாடல்களை வீட்டிலோ அல்லது வெளியிலோ சத்தமாக நான் பாடுவதுண்டு, அது போல ஏலே கிச்சா வந்தாச்சு கடல் பாட்டை நான் சத்தமாக பாட, சின்ன சைக்கிள் ஓட்டிக்கொண்டு வந்த யாழினி என் அருகில் வந்து சொன்னாள்..... அப்பா பாடாத… “கேட்க சகிக்கலை ’’என்று சொன்ன போது…. நான் வாழ்க்கையில் வெறுப்பின் உச்சத்துக்கே சென்று விட்டேன் . இதை விட பெரிய பல்பு வேறு யார் எனக்கு கொடுக்க முடியும்????

வீட்டில் இருக்கும் அத்தனை பொருட்களையும் எடுத்து வந்து அப்பா இந்தாங்க என்று என் கைகளில் தினிப்பது அவளின் பெரிய  பொழுது போக்கு... அதே போல திருட்டுதனத்துக்கு குறைவு இல்லை...

ஒரு பெரிய பாலை எடுத்து என் மேல் கோபமாக எரிந்தாள்... நான் முறைக்க ஆரம்பித்த உடன் அப்படியே பிளேட்டை  மாற்றி என்னை கூல் பண்ண.... அப்பா கேட்ச் போட்டேன்பா என்று சொல்லுகின்றாள்....

என் மனைவி அப்படியே அலன்டு போய்விட்டாள்....

நான் அசால்ட்டாக சொன்னேன்.

நாம ரெண்டு பேருமே பயங்கரமான ஆளுங்க.. பின்ன அவ எப்படி இருப்பா...?

அதே போல யாழினிக்கு கோபம் மூக்கு மேல் வருகின்றது..

அர்த்தமுள்ள பொழுதுகளையும் கணங்களையும்  உருவாக்கிகொடுப்பவர்கள் பெண் குழந்தைகளே என்பதை எனக்கு  உணர்த்துபவள் அவளே...

இரண்டு நாளைக்கு முன் பைக் புட்ரெஸ்ட்டில் இடித்துக்கொண்டேன்... அப்போது ஒன்றும் தெரியவில்லை... இரண்டு  நாளுக்கு  பின் அதாவது நேற்று காலை  என்னால் சுத்தமாக  கால் ஊன்றி  நடக்க முடியில்லை...

என்னருகில்  வந்தாள்...

என்னப்பா ஆச்சி..

கால்ல அடி பட்டுடிச்சி..

இங்கயா?

ஆமாம்.

 என் காலை   தன் பிஞ்சு விரல்களால் என் கால்களை  பிடித்து விட்டாள்....அப்ப இப்ப பரவாயில்லலையா? என்று கேட்ட போது

எல்லா வலியும் நொடியில் பறந்த போனது போல ஒரு உணர்வு.ஹ

எங்களுக்கு பெண் குழந்தைதான்  பிறக்கும்..... பெயர் யாழினி என்று ஆறுமாதத்தில் பெயர் செலக்ட் செய்து விட்டோம்..... ஆண் குழந்தை பிறந்தால் அப்புறம்  பார்த்துக்கொள்ளலாம் என்று இருந்தோம்....

இரண்டு வருடம் முன் இதே தினத்தில் குழந்தை பிறந்து விட்டது என்று செவிலிகள் தூக்கி வந்தார்கள்.. ஒருவேளை ஆண் குழந்தையாக இருந்தால் என்று ஒரு  கணம் நினைத்தேன்... அந்த  நினைப்புக்கு  அவள் என் கால்  பிடித்த விட்ட்ட கணத்தின் போது அப்படி நினைத்தமைக்கு  இப்போது  வருந்துகின்றேன்.

சாமியே சைக்கிள்ள போனானாம்......பூசாலி  புல்லட் கேட்ட கதையாக  பலருக்கு இப்படி ஒரு சூழல் வரலாம்.. எனக்கு வந்து இருக்கின்றது...

அதனால்  இன்று மாலை  என் வீட்டில்  சின்னதாக கேக் கட் பண்ணி,   வெட்டிய கேக்கை தட்டில் வைத்து அதனோடு மிக்சர் வைத்து ஒரு காபியை கொடுத்து யாழினி பர்த்டேவை ஒப்பேற்றலாம் என்று முடிவு  செய்து இருக்கின்றேன்.

நேரம் இருப்பின்   நேரில் வந்து யாழினியை வாழ்த்தவும்....

வரமுடியாதவர்கள் உங்கள் ஆசிகளை அவளுக்கு வழங்குங்கள்...

பிரியங்களுடன்

ஜாக்கிசேகர்(யாழினி அப்பா)

நினைப்பது அல்ல நீ
 நிரூபிப்பதே நீ.....
EVER YOURS...